హిందీ బుల్లితెర సీరియల్ ‘అనుపమా’ నటుడు నితేశ్ పాండే కన్నుమూశారు. 51 ఏళ్ల వయసులో ఆయన మంగళవారం రోజున గుండెపోటుతో తుదిశ్వాస విడిచారు. షూటింగ్ కోసం నాసిక్ జిల్లా సమీపంలో గల ఇగతపురిలోని ఓ హోటల్లో మంగళవారం నితీశ్ బస చేశారు. ఈ క్రమంలో అర్ధరాత్రి నితీశ్ తీవ్రమైన గుండెపోటుకు గురయ్యారు. దీంతో ఆయన అక్కడికక్కడే మృతి చెందారు.
సమాచారం అందుకున్న స్థానిక పోలీసులు ఘటనా స్థలానికి చేరుకుని విచారణ చేపడుతున్నారు. హోటల్ సిబ్బందితో పాటు నితేశ్ సన్నిహితులను ప్రశ్నిస్తున్నారు. మృతికి గల కారణలతో పాటు మరిన్ని విషయాలు పోస్ట్ మార్టం రిపోర్టులో తేలనున్నట్లు పోలీసులు వెల్లడించారు. బాలీవుడ్కు చెందిన సినీ, టీవీ ప్రముఖులు నితేశ్ కు సోషల్ మీడియా వేదికగా నివాళులు అర్పిస్తున్నారు.
నితేశ్ ‘ఏక్ ప్రేమ్ కహానీ’, ‘మంజిలీన్ అప్నీ అప్నీ’,’జస్టజూ’,’దుర్గేశ్’, ‘నందిని’, అనుపమా వంటి సీరియల్స్లో కీలక పాత్రలు పోషించి ఆడియన్స్ను అలరించారు. ‘దబాంగ్2’, ‘ఘాజీ’, ‘మేరీ యార్ కీ షాదీ’, ‘ఓం శాంతి ఓం’ లాంటి సినిమాల్లోనూ నటించి ప్రేక్షకులను మెప్పించారు. ఆయన భార్య అర్పిత పాండే కూడా టీవీ నటి.
