‘అజ్ఞాతవాసి’ తర్వాత జనసేన పార్టీ, రాజకీయాలతో బిజీ అయ్యారు పవన్కల్యాణ్. ఇక ఆయన సినిమాల్లో నటిస్తారా? లేదా? అనే సందేహంలో ఉన్న అభిమానులకు ఓ స్పష్టత వచ్చింది. ఈ క్ర‌మంలోనే ప‌వ‌ర్‌స్టార్ పవన్కల్యాణ్ సినిమాల్లో రీ ఎంట్రీ ఇస్తూ.. బాలీవుడ్‌లో విజ‌యవంత‌మైన `పింక్‌` చిత్రాన్ని తెలుగులో రీమేక్ చేయనున్నారు. దిల్‌రాజు, బోనీక‌పూర్ నిర్మాత‌లుగా వేణు శ్రీరామ్ దర్శకత్వంలో ఈ సినిమా రూపొంద‌నుంది. సినిమా సెట్స్ పైకి వెళ్లే లోపు ప‌క్కా ప్ర‌ణాళిక‌తో ప్రీ ప్రొడ‌క్ష‌న్ ప‌నుల‌ను పూర్తి చేసుకోవాల‌ని ద‌ర్శ‌క నిర్మాత‌లు భావిస్తున్నారు.
అందులో భాగంగా ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయ‌ట. సోష‌ల్ మీడియా వార్త‌ల ప్ర‌కారం ఈ సినిమాలో పవన్ స‌ర‌స‌న హీరోయిన్ పాత్ర‌లో న‌య‌న‌తార‌ను న‌టింప చేయాల‌ని అనుకుంటున్నార‌ట. పాత్ర నిడివి త‌క్కువ‌గానే ఉండ‌టంతో పాటు పవన్, న‌య‌న జోడి ఫ్రెష్ లుక్ తెస్తుంద‌ని భావిస్తున్నార‌ట. మ‌రి దీనిపై చిత్ర బృందం ఎలా స్పందిస్తుందో వేచి చూడాలి.
