మెగాస్టార్ చిరంజీవి ప్రతిష్టాత్మక ప్రాజెక్ట్ సైరా నరసింహారెడ్డి నేడు ప్రపంచ వ్యాప్తంగా ఐదు భాష‌ల్లో గ్రాండ్‌గా రిలీజ్ అయ్యింది. తెలుగు – త‌మిళ్ – క‌న్న‌డం – హిందీ – మ‌ళ‌యాళం మొత్తం ఐదు భాషలో పాన్ ఇండియా మూవీగా భారీ బడ్జెట్ తో తెరకెక్కిన సైరా చిత్రంపై విపరీతమైన అంచనాలున్నాయి. ఈ సినిమాపై ఉన్న భారీ అంచనాల నేప‌థ్యంలోనే సైరా ప్రీమియ‌ర్ల‌లో అదిరిపోయే వసూళ్లు రాబట్టింది.
తాజా సమాచారం ప్రకారం 269 లొకేషన్స్ నుండి సైరా $7,39,136 డాలర్ల వసూళ్లు రాబట్టింది. ఈ ట్రెండ్ కొనసాగితే కేవలం ప్రీమియర్స్ ద్వారానే సైరా వన్ మిలియన్ మార్కు చేరుకునేలా కనబడుతుంది. మూవీకి మిక్స్ డ్ టాక్ రావ‌డంతో సినిమా వసూళ్లు ఎలా ? ఉంటాయో చూడాలి.
మెగాస్టార్ చిరంజీవి త‌న కెరీర్లోనే తొలిసారి స్వాతంత్య్ర స‌మ‌ర‌యోధుడిగా న‌టించిన సినిమా కావ‌డంతో ఈ సినిమాలో చిరు న‌ట ఎలా ? ఉంటుందా ? అని అందరూ ఎంతో ఆస‌క్తితో వెయిట్ చేస్తున్నారు. సైరా సినిమాను దర్శకుడు సురేందర్ రెడ్డి తెరకెక్కించగా హీరో రామ్ చరణ్ నిర్మించారు. నయనతార, తమన్నా, అమితాబ్, జగపతి బాబు, సుదీప్, విజయ్ సేతుపతి, సుదీప్ కీలక పాత్రలు చేయడం జరిగింది.
