పవర్ స్టార్ పవన్ కళ్యాణ్, వేణు శ్రీ రాం కాంబినేషన్ లో భారీ అంచనాలతో వస్తున్న సినిమా వకీల్ సాబ్. ఈ సినిమాను దిల్ రాజు, బోనీ కపూర్ కలిసి నిర్మించారు. బాలీవుడ్ సూపర్ హిట్ మూవీ పింక్ రీమేక్ గా వచ్చిన ఈ సినిమా కథను డైరక్టర్ వేణు శ్రీరాం తెలుగు నేటివిటీకి దగ్గరగా పవర్ స్టార్ ఇమేజ్ కోసం మార్చినట్టు తెలుస్తుంది. ఈ క్రమంలో పవన్ కళ్యాణ్ ఈ సినిమా ఫ్లాష్ బ్యాక్ ఎపిసోడ్స్ లో విప్లవ నాయకుడిగా కనిపిస్తాడని తెలుస్తుంది.
అదేంటి సినిమాలో పవన్ కళ్యాణ్ వకీలుగా కనిపిస్తున్నాడు కదా అనుకోవచ్చు. కేవలం పవర్ స్టార్ క్యారక్టర్ వెయిట్ పెంచడం కోసం ఈ ఫ్లాష్ బ్యాక్ ఎపిసోడ్స్ పెట్టారట. పవర్ స్టార్ ఫ్యాన్స్ కు తప్పకుండా ఈ ఎపిసోడ్స్ సూపర్ ట్రీట్ ఇస్తాయని తెలుస్తుంది. రిలీజ్ కు ఒకరోజు ముందు ఈ న్యూస్ వైరల్ కావడంతో వకీల్ సాబ్ సినిమాపై మరింత అంచనాలు పెరిగాయి. అడ్వాన్స్ బుకింగ్స్ అయితే ఓ రేంజ్ లో ఉండగా పవర్ స్టార్ వకీల్ సాబ్ మొదటిరోజే రికార్డులు తిరగరాస్తుందని అంటున్నారు సినీ విశ్లేషకులు.
