క్షణం విలువ మనకు తెలియక పోవచ్చు. కానీ.. ఆ క్షణంలోనే ఎన్నో జీవితాలు తారుమారవుతాయి. ఎన్నో జరిగిపోతాయి. ప్రాణాలే గాల్లో కలిసిపోతాయి. కానీ.. వీళ్లు మాత్రం ఆ క్షణంలోనే చావును తప్పించుకున్నారు. అక్కడున్న వాళ్లు నమ్మలేకపోయారు వాళ్లు బతికారంటే. ఈ ఘటన సౌత్ చైనాలోని వుజౌ సిటీలో చోటు చేసుకున్నది.
ఇద్దరు వ్యక్తులు స్కూటీ మీద వెళ్తున్నారు. ఇంతలో ఎదురుగా ఇసుక లోడ్ తో ట్రక్ వస్తోంది. అది వేగంగా మృత్యుశకటంలా దూసుకొస్తున్నది. మూలమలుపు వద్ద ట్రక్ అదుపు తప్పింది. వీళ్లు ఆ ట్రక్ ను తప్పించబోయారు. ట్రక్ వీళ్ల మీద పడబోయింది. ట్రక్ లో ఉన్న ఇసుక అంతా వీళ్ల మీద పడటంతో వీళ్లు అవతల పడిపోయారు. దీంతో ప్రాణాలు దక్కించుకున్నారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది.
