చాలా శాతం మంది సలాడ్స్ ను ఎంతో ఇష్టపడతారు, ఎందుకంటే వారికి నచ్చేటువంటి ఫ్రూట్స్ మరియు వెజిటేబుల్స్ తో దీనిని తయారుచేసుకోవచ్చు. అంతే కాకుండా రుచిగా కూడా ఉంటాయి. సలాడ్స్ ఆరోగ్యానికి మంచిదని మరియు బరువు తగ్గుతారని భోజనంతో పాటు కొంతమంది తీసుకుంటూ ఉంటారు. కానీ అది సరికాదు, సరైన విధంగా సలాడ్స్ ను ఎలా తీసుకోవాలి..?
సలాడ్స్ ను ఈ సమయంలో తీసుకోండి:
ఎప్పుడైతే సలాడ్స్ ను ఆహారంతోపాటుగా తీసుకుంటామో అలాంటప్పుడు పోషక విలువలు పూర్తిగా అందవు. భోజనం చేసే అరగంట ముందు సలాడ్స్ ను తీసుకోండి, ఆ తర్వాత భోజనం చేయండి. ఇలా చేస్తే పూర్తిగా పోషకవిలువలు మీ శరీరానికి అందుతాయి మరియు ఆహారాన్ని కూడా అధిక మోతాదులో తీసుకోకుండా ఉండగలుగుతారు. ఈ విధంగా బరువు తగ్గే అవకాశాలు ఉంటాయి.
సలాడ్స్ ను తింటూ బరువును ఈ విధంగా నియంత్రించుకోండి:
సలాడ్స్ ను సరైన విధంగా తీసుకుంటే ఖచ్చితంగా బరువు తగ్గుతారు. దాంతో పాటుగా జీర్ణ వ్యవస్థ చాలా మెరుగుపడుతుంది మరియు ఆరోగ్యంగా ఉంటుంది. సలాడ్స్ ను తినడం వల్ల కొవ్వు పేరుకుపోకుండా చేస్తుంది. దాంతోపాటు అతిగా తినడాన్ని తగ్గిస్తుంది.
సలాడ్స్ ను భోజనంతో ఎందుకు తీసుకోకూడదు..?
సలాడ్స్ అనేవి చల్లగా ఉంటాయి మరియు భోజనం కొంచెం వెచ్చగా ఉంటుంది. ఎప్పుడైతే ఈ రెండింటినీ కలిపి తింటామో జీర్ణవ్యవస్థకు చాలా ఒత్తిడి కలుగుతుంది మరియు ఆహారం జీర్ణం అవ్వడానికి చాలా సమయం పడుతుంది. దాని వల్ల జీర్ణ వ్యవస్థకు ఇబ్బంది కలుగుతుంది. కాబట్టి సలాడ్స్ ను భోజనంతో కలిపి తీసుకోకండి
