చైనాలో పురుడు పోసుకున్న కరోనా మహమ్మారి విలయ తాండవం చేస్తున్న సంగతి తెలిసిందే. ఈ కరోనా మహమ్మారి.. మూడు నెలలకోకసారి… రూపాంతరం చెంది… పడగ విప్పుతోంది. ఇక ఈ వైరస్‌ ప్రభావం ఎక్కువగా.. చిత్ర పరిశ్రమపై పడుతోంది. ఇప్పటికే ఈ వైరస్‌ బారీన బాలీవుడ్‌ స్టార్లు, కమల్‌ హాసన్‌ లాంటి నటులు పడ్డారు. ఇక తాజాగా బాలీవుడ్‌ బ్యూటీ.. డ్యాన్సర్‌ నోరా ఫతేహి కరోనా బారిన పడ్డారు.
ప్రస్తుతం తాను వైద్యుల సమక్షంలో.. క్వారంటైన్‌ లో ఉన్నట్లు పేర్కొంది. ఈ విషయాన్ని నోరా ఫతేహి తన ఇన్‌ స్టా గ్రామ్‌ లో షేర్‌ చేసింది. ”ప్రస్తుతం వైద్యుల సమక్షంలో ఉన్నాను. దయ చేసి అందరూ సురక్షితంగా ఉండండి. మాస్కులు ధరించండి. వైరస్‌ వేగంగా.. వ్యాపిస్తుంది. ఈ వైరస్‌ ప్రభావం తాజాగా నా పైన తీవ్రంగా చూపించింది. ఇది ఎవరికైనా.. రావచ్చు. అందరూ జాగ్రత్తగా ఉండాలి. ఇటీవల నన్ను కలిసిన వారు కరోనా పరీక్షలు చేయించుకోవాలి” అంటూ నటి నోరా ఫతేహి పేర్కొంది.
