టాలీవుడ్ లో వారసత్వంగా నటుడిగా కెరీర్ ను ఆరంభించిన వారిలో అక్కినేని నాగార్జున తనయుడు అఖిల్ ఒకరు. ఇప్పటికే నాగ చైతన్య తానేమిటో నిరూపించుకుని ఒక స్థాయిలో ఉన్నాడు. కానీ అఖిల్ విషయంలో మాత్రం నాగార్జునకు ఆ తృప్తి లేదని చెప్పాలి. ఇప్పటి వరకు అఖిల్ కెరీర్ లో 4 సినిమాలు చేసినా హిట్ మాత్రం దక్కలేదు. ఒక్క “మోస్ట్ ఎలిజ్బిల్ బ్యాచిలర్” మాత్రమే పర్వాలేదనిపించింది. ఇక ఇప్పుడు లేటెస్ట్ గా అఖిల్ మాస్ అండ్ క్లాస్ డైరెక్టర్ సురేందర్ రెడ్డి తో ఏజెంట్ అనే సినిమాను గత మూడు సంవత్సరాలుగా తెరకెక్కిస్తున్నారు.
గతంలో చాలా సార్లు రిలీజ్ డేట్ ను ప్రకటించి మళ్లీ రీ షూట్ కు వెళ్లిన సందర్భాలు ఉన్నాయి. ఇప్పుడు అన్ని పనులను పూర్తి చేసుకుని రిలీజ్ కు సిద్దంగా ఉండగా… చిత్ర బృందం మూవీ ప్రమోషన్ కార్యక్రమాలలో బిజీ గా ఉంది. ఈ రోజు కాకినాడలో ట్రైలర్ ను రిలీజ్ చేసే ఫంక్షన్ ను తలపెట్టారు. ఇంకాసేపట్లో ఏజెంట్ మూవీ నుండి ట్రైలర్ రిలీజ్ కానుంది.
