కరోనా వైర‌స్ కార‌ణంగా గత రెండున్నర నెల‌లుగా సినీ ఇండ‌స్ట్రీలో, టీవీ రంగంలో ఎలాంటి షూటింగ్ లు జ‌ర‌గ‌లేదు. అయితే లాక్ డౌన్ సడలింపుల నేపధ్యంలో ఈ మధ్యనే షూటింగ్ లు ప్రారంభమయ్యాయి. దీంతో తెలుగు సినిమా పరిశ్రమలో కరోనా కలకలం మొదలైంది. ఇప్పటికే ఇద్దరు టీవీ ఆర్టిస్టులకు హరిక్రిష్ణ, ప్రభాకర్‌‌లకు కరోనా పాజిటివ్ రావడంతో షూటింగ్‌లో పాల్గొన్న మిగతా ఆర్టిస్ట్‌లు, టెక్నీషియన్లు బెంబేతెల్తిపోతున్నారు.
ఈ తరుణంలో ప్ర‌ముఖ యాంకర్, ద‌ర్శ‌కుడు ఓంకార్‌కు కరోనా పాజిటివ్ వ‌చ్చిన‌ట్లు సోషల్ మీడియా హ‌ల్ చ‌ల్ చేస్తున్నాయి. అయితే ఈ వార్తలపై తాజాగా ఆయన కుటుంబ సభ్యులు స్పందించారు. ఓంకార్‌కు కోవిడ్-19 సోకిందనే వార్తలో ఎంత‌మాత్రం నిజం లేదని ఓంకార్ కుటుంబ సభ్యులు తెలిపారు. కరోనా పరీక్షను ఓంకార్ చేయించుకున్నార‌ని, రిపోర్ట్ నెగ‌టీవ్ వ‌చ్చింద‌ని స్పష్టం చేశారు. దీంతో సోమవారం నుండి ఆయన షూటింగ్ లో సైతం పాల్గొంటారని అన్నారు.
