ఇవాళ కృష్ణా జిల్లాలో పర్యటించనున్నారు ఆంధ్రప్రదేశ్ ముఖ్యమంత్రి వైయస్ జగన్మోహన్ రెడ్డి. కృష్ణా జిల్లాలోని పెడనలో వైయస్సార్ నేతన్న నేస్తం నాలుగో విడత పంపిణీ కార్యక్రమంలో సీఎం జగన్ పాల్గొంటారు.
ఈ సందర్భంగా లబ్ధిదారుల ఖాతాల్లో నగదును జమ చేయనున్నారు సీఎం జగన్. దీంతో వైయస్సార్ నేతన్న నేస్తం కింద ఈ సందర్భంగా 80,546 మంది ఖాతాల్లో రూ. 24 వేల చొప్పున రూ.193.31 కోట్లను సీఎం జగన్ జమ చేయనున్నారు. అనంతరం లబ్ధిదారులతో సీఎం జగన్ ముఖాముఖిలో పాల్గొంటారు. ఆ తర్వాత గ్రామదర్శిని కార్యక్రమాన్ని ప్రారంభించనున్నారు సీఎం.
బంటుమిల్లి బహిరంగ సభలో సీఎం జగన్ ప్రసంగిస్తారు. ఇదిలా ఉండగా నిన్న సీఎం వైయస్ జగన్ ప్రకాశం జిల్లాలో పర్యటించారు. ఈ సందర్భంగా చీమకుర్తిలో దివంగత ముఖ్యమంత్రి వైయస్ రాజశేఖర్‌రెడ్డి, మాజీ ఎమ్మెల్యే బూచేపల్లి సుబ్బారెడ్డి కాంస్య విగ్రహాల ఆవిష్కరణలో పాల్గొన్నారు సీఎం వైయస్ జగన్. అనంతరం బహిరంగ సభలో సీఎం వైయస్ జగన్… ప్రసంగించారు.
