Chandrababu: ఉగాది పండుగపై వివాదస్పద పోస్ట్‌ పెట్టిన చంద్రబాబు నాయుడు. రెండు తెలుగు రాష్ట్రాలతో పాటు దేశ విదేశాల్లో ఉన్న తెలుగు వారందరికీ క్రోధి నామ సంవత్సర ఉగాది శుభాకాంక్షలు చెప్పారు చంద్రబాబు. ఈ ఎన్నికల సమయంలో మనందరం క్రోధి నామ తెలుగు సంవత్సరంలో అడుగు పెడుతున్నాం. క్రోధి అంటే కోపంతో ఉన్నవారు అని అర్థం.
అయితే నేడు మీ ఆగ్రహం…ధర్మాగ్రహం కావాలని జగన్‌ సర్కార్‌ ను ఉద్దేశించి పేర్కొన్నారు. ఆ ఆగ్రహంలో చెడు అంతా దహనమై….ప్రజల ఆకాంక్షలను నెరవేర్చే చల్లని పాలన మొదలవ్వాలని కోరుకుందామని పోస్ట్‌ పెట్టారు బాబు. ఈ ఉగాది మీ ఇంటిల్లిపాదికీ శుభాలను కలిగించాలని, మీ కుటుంబ సభ్యులకు ఆనందాన్ని, ఆరోగ్యాన్ని, అభివృద్ధిని అందించాలని కోరుకుంటూ… ప్రజలందరికీ ఉగాది శుభాకాంక్షలు అంటూ వెల్లడించారు. అయితే.. బాబు పోస్ట్‌ పై వైసీపీ ఫైర్‌ అవుతోంది.
