తూర్పుగదావరిజిల్లా: రాజమండ్రి సిఐడి కార్యాలయంలో ఆదిరెడ్డి అప్పారావు, ఆదిరెడ్డి వాసులను పరామర్శించారు మాజీ మంత్రి జవహార్. ఈ సందర్భంగా ఆయన మాట్లాడుతూ.. జగన్ రెడ్డి ప్రభుత్వం దుర్మార్గంగా వ్యవహరిస్తుందన్నారు. స్థానిక ఎమ్మెల్యే భర్త వాసు, అతని మామ అప్పారావుని అరెస్ట్ చేయడం దుర్మార్గం అన్నారు. ఈ అరెస్ట్ ని తాము తీవ్రంగా ఖండిస్తున్నామన్నారు జవహర్.
జరగబోయే మహానాడు పండుగని అడ్డుపెట్టుకొని నోటీస్ లేకుండా అరెస్ట్ చేశారని ఆరోపించారు. వేధించి భయపెట్టాలనే ఉద్దేశంతో ఈ అరెస్టులు చేస్తున్నారని మండిపడ్డారు. తెలుగుదేశం పార్టీ పూర్తిగా ఆదిరెడ్డి కుటుంబానికి అండగా ఉంటుందని అన్నారు. ఎలాంటి నోటీస్ ఇవ్వకుండా అరెస్ట్ చేయడాన్ని నిర్బంధం చేయడమేనన్నారు జవహర్. ఉన్నతాధికారుల ఆదేశాల మేరకే స్థానిక సిఐడి అధికారులు వ్యవహరిస్తున్నారని ఆరోపించారు.
