వైసీపీ అధినేత, ఆంధ్రప్రదేశ్ ముఖ్యమంత్రి వై.ఎస్ జగన్మోహన్ రెడ్డి నేడు తాడేపల్లి లోని తన క్యాంపు కార్యాలయంలో పార్టీ ఎమ్మెల్యేలతో సమావేశమయ్యారు. ఎమ్మెల్సీ ఎన్నికల ఫలితాలు నేపథ్యంలో ఈ భేటీ ప్రాధాన్యం సంతరించుకుంది. ఈ సమావేశంలో సీఎం జగన్.. గడప గడపకు మన ప్రభుత్వం, జగనన్నే మన భవిష్యత్తు తదితర కార్యక్రమాలను సమీక్షించనున్నారు.
అలాగే ఎమ్మెల్యేల పనితీరుపై తన వద్ద ఉన్న సమాచారం ఆధారంగా వారికి మార్గనిర్దేశం చేయనున్నారు. ఈ సమావేశంలో ఎమ్మెల్యే లతో పాటు నియోజకవర్గ, ప్రాంతీయ సమన్వయకర్తలు కూడా పాల్గొన్నారు. అయితే ఈ సమావేశానికి మంత్రి ధర్మాన ప్రసాద్ దూరమయ్యారు. ముందుగా నిర్ణయించుకున్న కార్యక్రమాల వల్లే ఆయన ముఖ్యమంత్రి సమావేశానికి హాజరు కాలేదని ఆయన అనుచరులు చెబుతున్నారు. రాగోలు గ్రామంలో ఆసరా పంపిణీ కార్యక్రమం లో పాల్గొన్నారని తెలిపారు.
