శ్రీరామ నవమి పండుగ నేపథ్యంలో…ఆర్టీసీ ఎండీ సజ్జనార్ అదిరిపోయే ప్రకటన చేశారు. శ్రీరామ నవమి సందర్భంగా భద్రాచలంలో ఇవాళ జరిగే శ్రీ సీతారామచంద్రుల కల్యాణోత్సవ తలంబ్రాలను భక్తులకు అందజేయాలని TSRTC యాజమాన్యం నిర్ణయించిందని పోస్ట్‌ పెట్టారు. గత ఏడాది మాదిరిగానే ఈ సారి కూడా తెలంగాణ దేవాదాయ శాఖ సహకారంతో రాములోరి కల్యాణ తలంబ్రాలను భక్తుల ఇళ్ల వద్దకు చేరవేసే పవిత్ర కార్యానికి సంస్థ శ్రీకారం చుట్టిందని గుర్తు చేశారు.
ఎంతో విశిష్టత కలిగిన ఈ తలంబ్రాలు కోరుకునే భక్తులు టీఎస్ఆర్టీసీ లాజిస్టిక్స్ కేంద్రాల్లో రూ.151 చెల్లించి.. వివరాలను నమోదు చేసుకోవాల్సి ఉంటుందని తెలిపారు ఆర్టీసీ ఎండీ సజ్జనార్. టీఎస్ఆర్టీసీ లాజిస్టిక్స్ విభాగ వెబ్సైట్ http://tsrtclogistics.in ను సందర్శించి తలంబ్రాలను బుక్ చేసుకోవచ్చు. శ్రీ సీతారామచంద్రుల కల్యాణోత్సవం అనంతరం ఈ తలంబ్రాలను భక్తులకు టీఎస్ఆర్టీసీ హోం డెలివరీ చేస్తుందన్నారు ఆర్టీసీ ఎండీ సజ్జనార్.
