పురంధేశ్వరి గారూ..మీరు పచ్చ కళ్లద్దాలు పెట్టుకున్నారా ? అని వైసీపీ ఎంపీ విజయ సాయిరెడ్డి ఫైర్‌ అయ్యారు. RBI నివేదిక ప్రకారం రాష్ట్ర స్థూల వార్షిక ఉత్పత్తి (GSDP) చంద్రబాబు గారి హయాంలో (2018-19) కంటే రెట్టింపై రూ.13.2 లక్షల కోట్లకు పెరిగిందని విజయసాయిరెడ్డి ట్వీట్ చేశారు.
దేశంలోని పెద్ద రాష్ట్రాలతో పోటీ పడి ఐదో స్థానంలో వెలుగు లీనుతోందని పేర్కొన్నారు. గతంలో 15వ స్థానంలో పాతాళంలో ఉండేదని తెలిపారు. పచ్చ కళ్లద్దాల వల్ల మీకు ఈ అభివృద్ధి కనిపించడం లేదు కదా పురంధేశ్వరి గారూ! అంటూ చురకలు అంటించారు వైసీపీ ఎంపీ విజయ సాయిరెడ్డి.
ఆరోగ్యమే మహాభాగ్యం – క్రీడలకు ప్రోత్సాహం… ‘ఆడుదాం-ఆంధ్ర’ క్రీడా పోటీల రిజిస్ట్రేషన్‌ ప్రారంభం. డిసెంబరు 13 వరకు రిజిస్ట్రేషన్లు. రాష్ట్రస్థాయి ఛాంపియన్స్ కు లక్షల్లో బహుమతులు. క్రీడాకారుల్లో ప్రతిభను వెలికతీయడం – ఆరోగ్యకర సమాజమే లక్ష్యం అని మరో ట్వీట్ చేశారు వైసీపీ ఎంపీ విజయ సాయిరెడ్డి.
