ఫ్యాక్ట్ చెక్: పెట్రోల్ పంప్ డీలర్‌షిప్ ల పేరుతో వస్తున్న వెబ్‌సైట్ లపై జాగ్రత్తగా ఉండండి..

పెట్రోల్ పంప్ డీలర్‌షిప్‌ల కోసం రిజిస్ట్రేషన్‌ను అందిస్తున్నట్లు పేర్కొంటున్న వెబ్‌సైట్ నెటిజన్ల దృష్టిని ఆకర్షించింది. వెబ్‌సైట్ యొక్క మొత్తం డిజైన్ నిజమైన వెబ్‌సైట్ అని నమ్మేలా చేస్తుంది.వెబ్‌సైట్ అది “KSK పెట్రోల్ పంప్ డీలర్‌షిప్ ఎంపిక పోర్టల్ అని పేర్కొంది. హోమ్ పేజీలోని నోటీసులో ఈ క్రింది వివరాలను చూస్తే..

1: – కొత్త రిజిస్ట్రేషన్ కోసం చివరి తేదీ 22 జూన్ 2022 వరకు పొడిగించబడింది.

2: – దరఖాస్తుదారు 20 జూన్ 2022 అర్ధరాత్రి వరకు అతని/ఆమె రుసుము చెల్లించవలసిందిగా సూచించబడింది.

3: వర్కింగ్ క్యాపిటల్ గురించి తెలుసుకోండి – డౌన్‌లోడ్ ఫీజు స్ట్రక్చర్

4: మరింత సమాచారం కోసం దయచేసి మాకు ఇక్కడ వ్రాయండి: – support@kskdealerchayan.com

దానికి అదనంగా, ‘అడ్వర్టైజ్‌మెంట్ నోటీసు’, ‘డీలర్‌షిప్ కోసం దరఖాస్తు’ మరియు ‘స్థితిని తనిఖీ చేయండి’ వంటి మెనూలు ఉన్నాయి.అయితే అది ఫేక్ వెబ్‌సైట్ అని తేలింది.ఆ వెబ్‌సైట్ మార్చి 6, 2022న రిజిస్టర్ చేయబడిందని, దాని గడువు మార్చి 6, 2023న ముగుస్తుందని చూపింది.ఏదైనా వెబ్‌సైట్ తక్కువ వ్యవధిలో సృష్టించబడిన,లేదా వెబ్‌సైట్ గడువు తేదీ కేవలం ఒక సంవత్సరం మాత్రమే ఉన్నా దాని గురించి పూర్తిగా తెలుసుకోండి.. ఏ ప్రభుత్వం కూడా ఏడాది వెబ్ సైట్ ను చూపించదని గుర్తుంచుకోండి..

ఇండియన్ ఆయిల్ కార్పొరేషన్ లిమిటెడ్ అధికారిక హ్యాండిల్ కూడా ఇది నకిలీ వెబ్‌సైట్ అని ట్వీట్ చేసింది. “https://kskdealerchayan.com వంటి వెబ్‌సైట్‌లు ఇండియన్ ఆయిల్ పేరును తప్పుగా ఉపయోగిస్తున్నాయి పెట్రోల్ పంప్ డీలర్‌షిప్‌లకు తప్పుడు సమాచారాన్ని అందిస్తున్నాయి. ప్రజలు PSU చమురు కంపెనీల సమీప డివిజనల్ కార్యాలయాన్ని సంప్రదించాలని లేదా మరిన్నింటి కోసం http://petrolpumpdealerchayan.inని సందర్శించాలని సూచించారు.ఆన్‌లైన్‌లో మోసపోకుండా ఉండటానికి ఏదైనా సమాచారం లేదా వివరణ కోసం నెటిజన్లు అధికారిక వెబ్‌సైట్‌ను అనుసరించాలని సూచించారు.