దేశ రాజధాని ఢిల్లీలో భారతీయ జనతా పార్టీ (బిజెపి), రాష్ట్రీయ స్వయంసేవక్ సంఘ్ (ఆర్ఎస్ఎస్) ల మధ్య నేటి రెండు రోజుల పాటు సమన్వయ సమావేశాలు జరగనున్నాయి. ఈ సమావేశంలో మౌలిక విధానపరమైన అంశాలపై చర్చ జరుగున్నట్లు సమాచారం అందుతోంది. బిజెపి జనరల్ సెక్రటరీ (ఆర్గనైజేషన్) బిఎల్ సంతోష్, బిజేపి కార్యనిర్వాహక సభ్యులు, కేంద్ర మంత్రులతో సహా బిజెపి అగ్రనేతలు ఈ సమావేశానికి హాజరు కానున్నారు.
విద్య, సంస్కృతి, ఆర్థిక వ్యవస్థ వంటి పలు రంగాలలో పనిచేస్తున్న ఆర్ఎస్ఎస్ అనుబంధ సంస్థల నాయకులు కూడా సమావేశానికి హాజరు కానున్నారు. ఉత్తరప్రదేశ్, పంజాబ్, ఉత్తరాఖండ్ తో సహా ఇతర రాష్ట్రాలలో జరగనున్న అసెంబ్లీ ఎన్నికల నేపథ్యంలో ఈ సమావేశానికి ప్రాముఖ్యత నెలకొంది. గత నెలలో కూడా రానున్న అసెంబ్లీ ఎన్నికల పై నాలుగు రోజుల పాటు సమావేశాలను నిర్వహించింది ఆర్ఎస్ఎస్. బీజేపీ, ఆర్ఎస్ఎస్ లు సమావేశం కానుండడంతో విపక్షాలలో కాస్త ఆందోళన నెలకొంది.
