రక్తదానం చేయడం వల్ల ఇతరులకు సాయం చేయడమే కాకుండా.. మన ఆరోగ్యానికి కూడా మేలు జరుగుతుందని నిపుణులు అంటారు. అయితే షుగర్‌ పేషంట్స్ రక్తదానం చేయడానికి అర్హులేనా..? వారు రక్తదానం చేయొచ్చా.. జనరల్‌గా షుగర్‌ అంటేనే రక్తంలో చెక్కర స్థాయిలు పెరగడం అంటారు. మరి అలాంటివారు రక్తదానం చేస్తే ఆ రక్తం ఎక్కించిన వ్యక్తికి షుగర్‌ వచ్చే ప్రమాదం ఉంటుందా..?
డయాబెటిక్ రోగులు కూడా రక్తదానం చేయవచ్చు. టైప్ 1, టైప్ 2 డయాబెటిస్ రోగులకు రక్తదానం చేయడం సాధారణంగా సురక్షితం, అయితే ఇది పూర్తిగా వారి ఆరోగ్య పరిస్థితిపై ఆధారపడి ఉంటుంది. మధుమేహం అదుపులో ఉండి, మీకు మరే ఇతర వ్యాధి లేకుంటే వైద్యులను సంప్రదించిన తర్వాత రక్తదానం చేయవచ్చు. రక్తదానం చేసే ముందు, కచ్చితంగా షుగర్‌ పేషంట్స్ ఆరోగ్య పరీక్షలు చేయించుకోవాలి. గుండె జబ్బులు లేదా ఇతర తీవ్రమైన వ్యాధులతో బాధపడుతున్న మధుమేహ రోగులు రక్తదానం చేయడం ఏమాత్రం మంచిది కాదు.
షుగర్‌ పేషంట్స్ రక్తదానం చేయాలంటే ముందు ఈ జాగ్రత్తలు తీసుకోవాలి..
రక్తదానం చేసే ముందు పుష్కలంగా నీరు త్రాగాలి.
రక్తదానం చేయడానికి 1-2 వారాల ముందు ఐరన్ అధికంగా ఉండే ఆహారాన్ని తినండి లేదా ఐరన్ సప్లిమెంట్లను తీసుకోండి.
8 గంటలు లేదా అంతకంటే ఎక్కువ నిద్రపోయేలా చూసుకోండి.
సమతుల్య ఆహారం తీసుకోండి.
ఎప్పటికప్పుడు తినడం,నీరు త్రాగటం కొనసాగించండి. డయాబెటిక్ రోగులకు ఇది చాలా అవసరం.
ఆరోగ్యకరమైన ఆహారం తీసుకోవడం వల్ల రక్తంలో చెక్కర అదుపులో ఉంటుంది. కెఫిన్ తక్కువగా తీసుకోవాలి.
ఇది కాకుండా, డయాబెటిస్ మందులను అస్సలు దాటవేయవద్దు. ఏదైనా సమస్య తలెత్తితే వెంటనే డాక్టర్‌ని సంప్రదించండి.
ఈ జాగ్రత్తలను ఏమాత్రం అశ్రద్ద చేయకండి.. మీరు షుగర్‌ లెవల్స్‌ ఎక్కువగా పెట్టుకుని రక్తదానం చేయాలనుకున్నా నిర్వాహకులు తీసుకోరు. ఎందుకంటే ఆ రక్తం వల్ల ఇతరులకే సమస్య కాబట్టి..షుగర్‌ పేషంట్స్ ఆరోగ్యం విషయంలో డబుల్‌ కేర్‌ తీసుకోవాలి. తినే ఆహారంలో అన్నం తగ్గించి రోటీలకు ప్రాధాన్యం ఇస్తే చెక్కర దెయ్యం దూరంగా ఉంటుంది.!
