కాంగ్రెస్-బీజేపీ పార్టీలు రెండు ఒక్కటేనని మాజీ మంత్రి జగదీశ్ రెడ్డి పేర్కొన్నారు. తాజాగా ఆయన మీడియాతో మాట్లాడుతూ రైతు భరోసాను పక్కదారి పట్టించడానికే రేవంత్ రెడ్డి డైవర్ట్ పాలిటిక్స్ చేస్తున్నారంటూ మండిపడ్డారు. రైతు భరోసా కింద రూ.15వేలు ఇస్తామని మాట తప్పారు. ఈ విషయాన్ని రైతుల్లోకి వెళ్లకుండా రేవంత్ ప్లాన్ చేశాడంటూ ఆరోపణలు గుప్పించారు. బీఆర్ఎస్ ఆందోళనలు చేయకుండా అడ్డుకునే ప్రయత్నంలో కేటీఆర్ పై కేసులు పెడుతున్నారు.
కేటీఆర్ కేసులపై న్యాయ పోరాటం చేస్తామని.. ఫార్ములా ఈ కార్ రేస్ కేసులో చట్టాన్ని రేవంత్ దుర్వినియోగం చేస్తున్నాడు. అంతిమంగా న్యాయమే గెలుస్తుందని తెలిపారు. రేవంత్ రెడ్డి డైరెక్షన్ లో ఏసీబీ.. బీజేపీ డైరెక్షన్ లో ఈడీ పని చేస్తోందని అంటూ జగదీశ్ రెడ్డి ఆగ్రహం వ్యక్తం చేశారు. ఈ ఫార్ములా కారు రేస్ లో రేవంత్ రెడ్డి ప్రభుత్వం బొక్క బోర్ల పడటం ఖాయమని తెలిపారు. రాహుల్ గాంధీ ఈడీ కార్యాలయానికి లాయర్లను వెంట పెట్టుకొని వెళ్తారు. కేటీఆర్ లాయర్లతో ఏసీబీ విచారణకు వెల్లొద్దా అని ప్రశ్నించారు.
