నగరంలో డ్రగ్స్అమ్మడానికి వచ్చిన స్విగ్గీ డెలివరీ బాయ్ ని సైబరాబాద్ ఎస్వోటీ పోలీసులు ఈరోజు అరెస్ట్ చేశారు. మురళీధరన్ అనే వ్యక్తి బెంగళూర్ లో స్విగ్గీ బాయ్ గా పనిచేస్తున్నాడు.
ఈ క్రమంతో హైదరాబాద్ లోని కస్టమర్లకు ఎండీఎంఏ డ్రగ్ను అమ్మడానికి శంషాబాద్ వచ్చాడు. ఆర్జీఐ పోలీస్ స్టేషన్ పరిధిలో అనుమానాస్పదంగా తిరుగుతుంటే ఎస్వోటీ , ఆర్జీఐ పోలీసులు అతడిని పట్టుకుని సోదా చేశారు. అతని ప్యాంటు ఇన్నర్ జేబులో దొరికిన 11 గ్రాముల ఎండీఎంఏ డ్రగ్ ను పోలీసులు స్వాధీనం చేసుకున్నారు. కేసు నమోదు చేసుకున్న ఆర్జీఐ పోలీసులు విచారణ జరుపుతున్నారు.
