కామాంధులు రెచ్చిపోతున్నారు.. అన్యం పుణ్యం తెలియని చిన్నారులపై విచక్షణ రహితంగా పడి.. వారి కామ వాంఛ తీర్చుకుంటున్నారు. ఛత్తీస్ గడ్ ఇలాంటి దారుణ ఘటన చోటు చేసుకుంది.. మద్యం మత్తులో కన్న కూతురుపైనే తన స్నేహితులతో కలిసి.. ఓ దుర్మార్గపు తండ్రి అత్యాచారానికి ఒడిగట్టాడు. ఈ ఘటన ఛత్తీస్ గడ్ రాష్ట్రంలోని నారాయణ్పుర్ పోలీస్ స్టేషన్ పరిధిలో ఈ ఘటన చోటు చేసుకుంది. నిందితుడికి తన ముగ్గురు పిల్లలు కలిసి నారాయణ్పుర్ పోలీస్ స్టేషన్ పరిధిలో నివసిస్తున్నాడు. నిందితుడి భార్య 2019లో చనిపోయింది. ఏప్రిల్ 28న రాత్రి మద్యం మత్తులో ఇద్దరు స్నేహితులతో కలిసి నిందితుడు ఇంటికి వచ్చాడు.
తన ఇద్దరు తమ్ముళ్లతో (మూడేళ్లు, ఆరేళ్ల వయసున్నవారు) కలిసి నిద్రపోతున్న తొమ్మిదేళ్ల కూతురిని స్నేహితుల సహకారంతో పక్క గదిలోకి తీసుకెళ్లి అత్యాచారానికి పాల్పడ్డాడు. ఈ ఘటన జరిగిన అనంతరం తమ అమ్మమ్మకు సమాచారం అందించింది బాలిక. దీంతో ఆమె పోలీసులకు ఫిర్యాదు చేశారు” అని అధికారులు తెలిపారు. ఈ ముగ్గురిపై పోక్సో చట్టం కింద కేసు నమోదు చేసిన పోలీసులు వారిని అరెస్టు చేశారు.సమీప గ్రామంలో తమ అమ్మమ్మ వద్ద ఉంటూ ప్రభుత్వ పాఠశాలలో బాలిక మూడో తరగతి చదివేదని తెలిపారు. పాఠశాలకు సెలవులు ఇవ్వగా, చిన్నారిని ఆమె తండ్రి వద్దకు తీసుకొచ్చింది అమ్మమ్మ. ఆ తర్వాత ఈ దారుణం జరిగింది.
