లియో ఖైదీ,విక్రమ్‌ లాంటి చిత్రాలతో పేరు తెచ్చుకున్న కోలీవుడ్ స్టార్‌డైరెక్టర్ లోకేశ్ కనగరాజ్ ‘ఇనిమేల్’ మ్యూజిక్ ఆల్బమ్ కోసం హీరోయిన్ శ్రుతి హాసన్తో నటించిన సంగతి తెలిసిందే. ఇనిమేల్’ అంటూ సాగే ఈ పాట ప్రోమో విడుదల కాగా ఈ వీడియో చూసి నెటిజన్లు షాక్కు గురయ్యారు. ‘‘ఇది మా దర్శకుడు లోకేశ్ కనగరాజేనా..?’’, ‘‘రొమాంటిక్‌ సీన్స్‌ రాయడంలో పెద్దగా నాలెడ్జ్‌ లేదని చెప్పిన ఆయనేనా ఈయన..?’’ అంటూ కామెంట్స్‌ చేస్తున్నారు.వీరి కెమిస్ట్రీ చూసి ఫిదా అవుతున్నారు.
ఇదిలా ఉంటే… ఈ ఆల్బమ్ విషయమై శ్రుతి ఆసక్తికర వ్యాఖ్యలు చేశారు. దీనిలో నటించేందుకు ముందుగా లోకేశ్ నో చెప్పారని.. కాన్సెప్ట్ విన్నాక ఒకే చెప్పారని వెల్లడించారు. ఇందులో లోకేశ్ చాలా చక్కగా నటించారని తెలిపారు. కాగా ఈ పాటకు కమల్‌హాసన్‌ లిరిక్స్ అందించగా.. ద్వారకేశ్‌ ప్రభాకర్‌ దర్శకత్వం వహించారు. మార్చి 25న ఫుల్‌ వీడియో సాంగ్‌ విడుదల చేయనున్నారు. గతేడాది ‘లియో’తో ప్రేక్షకులను అలరించిన లోకేశ్ కనగరాజ్.. ప్రస్తుతం తదుపరి సినిమా స్క్రిప్ట్‌ పనుల్లో బిజీగా ఉన్నారు.
