మధ్యప్రదేశ్లోని ఉజ్జయిని జిల్లాలోని నగ్దా – ఉన్హేల్ రహదారి వద్ద జరిగిన ఘోర రోడ్డు ప్రమాదం జరిగింది. రాంగ్రూట్లో వేగంగా వెళ్లిన ఓ లారీ స్కూల్వ్యాన్ను ఢీకొట్టింది. ఈ ఘటనలో నలుగురు చిన్నారులు అక్కడికక్కడే మరణించారు. గాయపడ్డ మరో పదకొండు మందిని చికిత్స కోసం ఉజ్జయినికి తరలించారు.
వివరాల్లోకి వెళితే.. ఉజ్జయిని జిల్లాలోని నగ్దా ప్రాంతంలోనున్న ఒక కాన్వెంట్ వ్యాన్ పిల్లలతో సహా స్కూల్కు బయలుదేరింది. మార్గ మధ్యలో తప్పు మార్గంలో వస్తున్న ఒక లారీ వారికి ఎదురుగా వచ్చి వ్యాన్ను ఢీకొట్టింది. స్కూల్ వ్యాన్ నుజ్జు నుజ్జు అయ్యింది.
గమనించిన స్థానికులు పోలీసులకు సమాచారం అందించారు. విషయం తెలుసుకున్న పోలీసులు ఘటనా స్థలానికి చేరుకుని క్షతగాత్రులను ఆసుపత్రికి తరలించారు. ఆ సమయంలో అంబులెన్స్ సేవలు సరిగా లేక విద్యార్థులను ఉజ్జయిని వైపు వెళ్తున్న బస్సులో చికిత్స కోసం తరలించారు. ఈ ఘటనలో నలుగురు చిన్నారులు మృతి చెందారు. మృతి చెందిన విద్యార్థుల తల్లిదండ్రులు కన్నీరు మున్నీరుగా విలపిస్తున్నారు.
