సాధారణంగా ప్రతిఒక్కరికీ కలలు వస్తుంటాయి. కొందరికీ సంతోషాన్ని ఇచ్చే కలలు వస్తే.. మరికొందరికీ భయాన్ని కలిగించే కలలు వస్తుంటాయి. అయితే ఓ వ్యక్తికి వచ్చిన కల తన జీవితాన్నే మార్చేసింది. యూఎస్‌కు చెందిన ఓ వ్యక్తి కన్న కల సాకారమైంది. రెండు డాలర్లకు టికెట్ కొనుగోలు చేశాడు. దీంతో రూ.2 కోట్లు గెలుచుకున్నాడు. వర్జీనియాలోని హెన్రీకో కౌంటీకి చెందిన అలోంజో కోల్‌మాన్ రిటైర్డ్ ఉద్యోగి.
ఇటీవల అతను 13-14-15-16-17-18-19 నంబర్ల లాటరీ కొన్నాడు. మరుసటి రోజు అతడికి లాటరీ గెలిచినట్లు కల వచ్చింది. ఆ కలే నిజమైనట్లు అలోంజో తెలిపాడు. గ్రేటర్ రిచ్‌మండ్ రీజియన్‌లోని తన స్వస్థలమైన కార్నర్ మార్ట్ నుంచి నంబర్లతోనే ఉన్న లాటరీ టికెట్‌ను కొన్నాడు. డ్రా తేదీ జూన్ 11 కావడంతో అప్పటివరకు ఎదురు చూశాడు. దాదాపు రెండు కోట్లు గెలుచుకున్నాడు.
