ఐపీఎల్ 2021 రెండో సీజన్ చాలా రసవత్తరంగా సాగుతోంది సంగతి తెలిసిందే. ఇప్పటికే… 2021 ఐపీఎల్ టోర్నీలో 47 మ్యాచ్ లు పూర్తయ్యాయి. ఇక ఇవాళ ఆదివారం కావడంతో… రెండు మ్యాచ్ లు జరగనున్నాయి. మొదటి మ్యాచ్ లో రాయల్ చాలెంజర్స్ బెంగళూరు మరియు పంజాబ్ కింగ్స్ మధ్య బిగ్ ఫైట్ జరగనుంది. ఈ మ్యాచ్ షార్జాలో ని ఇంటర్నేషనల్ క్రికెట్ స్టేడియంలో జరగనుంది.
మధ్యాహ్నం 3. 30 గంటలకు ప్రారంభం అయ్యే ఈ మ్యాచ్ లో రాయల్ చాలెంజర్స్ బెంగళూరు.. హాట్ ఫేవరేట్ గా బరిలోకి దిగుతోంది. ఇంకా సాయంత్రం కోల్ కత్తా నైట్ రైడర్స్ జట్టు మరియు సన్రైజర్స్ హైదరాబాద్ జట్ల మధ్య రెండో మ్యాచ్ జరగనుంది.
ఈ మ్యాచ్ దుబాయ్ లోని ఇంటర్నేషనల్ స్టేడియం లో జరుగుతోంది. సాయంత్రం 7.30 గంటలకు ప్రారంభమయ్యే ఈ మ్యాచ్ లో కోల్ కత్తా నైట్ రైడర్స్ జట్టు హాట్ ఫేవరేట్ గా బరిలోకి దిగుతోంది. కాగా ఇప్పటికే ఐపీఎల్ టోర్నీ సెమిస్ ఆశలను గల్లంతు చేసుకుంది సన్రైజర్స్ హైదరాబాద్ జట్టు. ఇవాళ జరిగే మ్యాచ్ లో గెలిచి.. పరువు కాపాడాలని అనుకొంటోంది సన్ రైజర్స్.
