కౌన్ బనేగా కరోడ్పతి హిందీలో ఈ షో ఎంత పెద్ద హిట్టో చెప్పక్కర్లేదు. ప్రస్తుతం ఈ షో 14వ సీజన్ పూర్తి చేసుకుంది. ఈ సీజన్ విజేతగా మహరాష్ట్ర కొల్పూర్ జిల్లా గాంధీనగర్కు చెందిన ఓ గృహిణి కవితా చావ్లా నిలిచారు. ఆమె ఏకంగా కోటి రూపాయలు గెలుచుకున్నారు. ఈ విజయం వెనుక ఆమె 22 ఏళ్ల నిరీక్షణ ఉన్నట్లు కవిత చెప్పారు.
విజయ్ చావ్లా అనే వస్త్ర వ్యాపారితో వివాహం జరిగాక కవిత ఇంటికే పరిమితమయ్యారు. ఇంటి పట్టునే ఉండే ఆమె 22 ఏళ్ల క్రితం ప్రారంభమైన కౌన్ బనేగా కరోడ్పతి కార్యక్రమానికి ఆకర్షితులయ్యారు. ఎలాగైనా ఆ కార్యక్రమంలో పాల్గొని విన్నర్ అవ్వాలని కలగన్నారు. అప్పటి నుంచి ట్రై చేస్తూనే ఉన్నారు. అలా 2013లో జరిగిన కేబీసీ సీజన్లో టాప్ 10కు ఆమె ఎంపికయ్యారు. కానీ హాట్సీట్ వరకు వెళ్లకుండానే ఇంటికి వెనుదిరిగారు.
అయినా పట్టువీడని కవిత మళ్లీ మళ్లీ ప్రయత్నిస్తూనే ఉన్నారు. ఎట్టకేలకు సీజన్ 14లో హాట్సీట్ వరకు వెళ్లారు. అమితాబ్ బచ్చన్ అడిగిన అన్ని ప్రశ్నలకు సరైన సమాధానాలు చెప్పి కోటి రూపాయలు గెలుచుకున్నారు. కవితా చావ్లా పాల్గొన్న ఎపిసోడ్ సోమ, మంగళవారాల్లో ప్రసారం అవుతోంది.
