కనబడట్లేదు గాని..బీజేపీ-కాంగ్రెస్ దూకుడుతో కేసీఆర్ కాస్త ఎక్కువగానే టెన్షన్ పడుతున్నారని అనుకోవచ్చు. ఏదో పైకి ఏదో చేసేస్తామని హడావిడి చేస్తున్నారు గాని..మళ్ళీ అధికారం దక్కించుకోవడం చాలా కష్టమనే విషయం కేసీఆర్ కు కూడా అర్ధమవుతుందనే అనుకోవచ్చు. ఎందుకంటే ప్రస్తుతం తెలంగాణలో ఉన్న రాజకీయ పరిస్తితులని చూసుకుంటే…రాష్ట్రంలో టీఆర్ఎస్ పార్టీకి అంత అనుకూలమైన వాతావరణం ఏమి లేదని చెప్పొచ్చు. రాజకీయంగా టీఆర్ఎస్ పార్టీకి ఇబ్బందులు ఎదురవుతున్న విషయం తెలిసిందే. ఓ వైపు బీజేపీ, మరో వైపు కాంగ్రెస్ పార్టీల దూకుడుతో టీఆర్ఎస్ నేతల్లో కనిపించని భయం మొదలైందని చెప్పొచ్చు.
కాకపోతే అధికారంలో ఉన్నారు కాబట్టి…పైకి మేకపోతు గాంభీర్యం ప్రదర్శిస్తున్నట్లు కనిపిస్తున్నారు. కనబడకుండా కేసీఆర్ సారుకు సెగ తగులుతుందనే చెప్పొచ్చు. అయితే దీన్ని నుంచి బయటపడేందుకు కేసీఆర్ కూడా గట్టిగానే ప్రయత్నాలు చేస్తున్నట్లు తెలుస్తోంది. సాధారణంగా అధికార పార్టీకి మైనస్ ఎక్కువ ఉంటుంది…ప్రతిపక్షలకు ఉన్నకొద్ది పాజిటివ్ పెరుగుతుంది.
ఇప్పుడు తెలంగాణలో అదే జరుగుతుంది..టీఆర్ఎస్ పార్టీకి నెగిటివ్ పెరుగుతుంటే..బీజేపీ-కాంగ్రెస్ పార్టీలకు కాస్త పాజిటివ్ పెరుగుతుంది. టీఆర్ఎస్ పాలనలో ఉన్న లోపాలని టార్గెట్ చేసుకుని కాంగ్రెస్, బీజేపీలు ముందుకెళుతున్నాయి. అయితే టీఆర్ఎస్ పార్టీకి రాజకీయ అస్త్రంగా బీజేపీ దొరికిందనే చెప్పాలి. అది కూడా కేంద్ర ప్రభుత్వ రూపంలో..కేంద్ర ప్రభుత్వాన్ని టార్గెట్ గా చేసుకుని కేసీఆర్ రాజకీయం నడుపుతున్నారు. గత ఎన్నికల్లో చంద్రబాబుని బూచిగా చూపించి కేసీఆర్ రాజకీయ లబ్ది పొందారు. ఇప్పుడు కేంద్రాన్ని టార్గెట్ చేస్తున్నారు.
అయితే కేంద్రాన్ని టార్గెట్ చేయడం వల్ల టీఆర్ఎస్ పార్టీకి పెద్దగా ఒరిగేది ఏమి కనిపించడం లేదు…పైగా జాతీయ రాజకీయాల్లో కేసీఆర్ ఏదో చక్రం తిప్పాలని చూస్తున్నారు..కానీ అది కూడా పెద్దగా వర్కౌట్ అవ్వడం లేదు. ప్రస్తుతానికైతే కాస్త సైలెంట్ గా ఉండి రాష్ట్రపతి ఎన్నికల తర్వాత కొత్త వ్యూహంతో ముందుకు రావాలని కేసీఆర్ చూస్తున్నట్లు తెలుస్తోంది…అప్పుడు రాష్ట్ర స్థాయిలో పర్యటించడం కాకుండా..దేశ రాజకీయాల్లో యాక్టివ్ గా ఉండాలని చూస్తున్నారు…అదే సమయంలో కేసీఆర్…కాంగ్రెస్ పార్టీకి దగ్గరైన ఆశ్చర్యపోనవసరం లేదని విశ్లేషకులు అభిప్రాయపడుతున్నారు. మరి చూడాలి రాష్ట్రపతి ఎన్నికల తర్వాత కేసీఆర్ రాజకీయం ఎలా ఉంటుందో?
