కియారా అడ్వానీ.. ఈ బాలీవుడ్ బ్యూటీ భరత్ అనే నేను సినిమాతో టాలీవుడ్లోకి ఎంట్రీ ఇచ్చింది. ఫస్ట్ సినిమాతోనే బ్లాక్బస్టర్ హిట్ కొట్టడమే కాదు తన అందంతో తెలుగు కుర్రాళ్ల మదిని దోచేసింది. ఆ తర్వాత గ్లోబల్ స్టార్ రామ్ చరణ్తో కలిసి వినయ విధేయ రామలో సందడి చేసింది. ఈ సినిమా ఫ్లాప్ అయినా కియారా అందానికి, అభినయానికి తెలుగు ప్రేక్షకులు ఫిదా అయ్యారు.
ఇక ఈ భామ బాలీవుడ్లో ప్రస్తుతం చాలా బిజీ హీరోయిన్. ఇటీవలే జుగ్ జుగ్ జీయో, గోవిందా నామ్ తేరా సినిమాలతో బ్లాక్ బస్టర్ హిట్స్ కొట్టింది. ఇక ప్రస్తుతం కార్తీక్ ఆర్యన్తో కలిసి సత్య ప్రేమ్ కీ కథా సినిమాలో నటిస్తోంది. మరోవైపు శంకర్ దర్శకత్వంలో గ్లోబల్ స్టార్ రామ్ చరణ్ హీరోగా పాన్ ఇండియా స్థాయిలో తెరకెక్కుతున్న గేమ్ ఛేంజర్ సినిమాలోనూ కియారా నటిస్తోంది.
ఈ బ్యూటీ సోషల్ మీడియాలోనా చాలా పాపులర్. తాజాగా కియారా పింక్ విల్లా అవార్డ్స్కు హాజరైంది. ఈ వేడుకలో రెడ్ కలర్ డ్రెస్సులో రెడ్ కార్పెట్పై హొయలు పోయింది. రెడ్ డ్రెస్లో కియారా అందాలు చూడతరమా అంటూ నెటిజన్లు కామెంట్లు చేస్తున్నారు. పెళ్లయినా ఈ బ్యూటీ గ్లామర్ ట్రీట్ ఏ మాత్రం తగ్గించడం లేదంటూ కామెంట్లు పెడుతున్నారు.
