నవమాసాల కడుపున మోసిన తల్లి.. తన బిడ్డకు చీమ కుట్టిన భరించలేదు. కానీ.. ఆ తల్లి తన పిల్లలు ఏకంగా విషాన్నే పాయసంలా తాగించి.. ఆపై తాను తాగి ఆత్మహత్యకు పాల్పడింది. ఈ ఘటన బీహార్‌లో చోటు చేసుకుంది. వివరాల్లోకి వెళితే.. బీహార్‌లోని వైశాలీ జిల్లాలో కుటుంబ కలహాలతో విసిగిపోయిన ఓ తల్లి.. తన నలుగురు పిల్లలతో సహా విషం తాగి ఆత్మహత్యకు పాల్పడింది. ఈ ఘటనలో ముగ్గురు పిల్లలు, తల్లి ప్రాణాలు కోల్పోయారు. మరో చిన్నారిని ఆసుపత్రికి తరలించి చికిత్స అందిస్తున్నారు. దీంతో పాతేపుర్ పోలీస్ స్టేషన్ పరిధిలోని సుక్కీ గ్రామంలో విషాద ఛాయలు అలుముకున్నాయి. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.
అయితే ఈ ఘటనపై పోలీసులు మాట్లాడుతూ.. సుక్కీ గ్రామానికి చెందిన రంజిత్ సాహ్నీ భార్య తన నలుగురు పిల్లలకు విషమిచ్చి తానూ ఆత్మహత్యకు పాల్పడింది. నలుగురు మృతి చెందారు. ఒకరి పరిస్థితి విషమంగా ఉంది. బాధితురాలు రింకు దేవీగా (35) చిన్నారులు 11 ఏళ్ల కరణ్ కుమార్, 8 ఏళ్ల శివానీ కుమారి, నాలుగేళ్ల సలోని కుమారిగా గుర్తించాం. అని పోలీసులు వెల్లడించారు. మృతదేహాలను పోలీసులు పోస్టుమార్టం నిమిత్తం ఏరియా ఆసుపత్రికి తరలించారు.
