PM MODI : ప్రధాని నరేంద్ర మోడీ..అయోధ్య చేరుకున్నారు. మధ్యాహ్నం 12.05 నుంచి 12.55 గంటల వరకు ప్రాణప్రతిష్ఠలో పాల్గొనన్నారు ప్రధాని. బాలరాముడి ప్రాణప్రతిష్టలో పాల్గొననున్న మోడీ.. మధ్యాహ్నం 1.15 గంటలకు ప్రసంగిస్తారు. ఈ మేరకు అన్ని ఏర్పాట్లు చేశారు అధికారులు.
2.10 గంటలకు కుబేర్ తిలాను సందర్శించనున్నారు ప్రధాని మోడీ. మరోవైపు అయోధ్య రామమందిర ప్రాణ ప్రతిష్ఠకు హాజరయ్యేందుకు దేశవ్యాప్తంగా అనేక మంది ప్రముఖులు అయోధ్యకు చేరుకుంటున్నారు. రాజకీయ నేతలు, పారిశ్రామికవేత్తలు, సినీతారలు, క్రీడాకారులు, సాధువులు ఒక్కొక్కొరుగా రామజన్మ స్థలానికి విచ్చేస్తున్నారు. ఇప్పటికే, రాష్ట్రీయ స్వయం సేవక్ సంఘ్ అధినేత మోహన్ భగవత్, కేంద్రమంత్రి స్మృతి ఇరానీ, తెలుగుదేశం అధినేత చంద్రబాబు, సినీనటులు రజనీకాంత్, పవన్ కల్యాణ్ అయోధ్యకు చేరుకున్నారు. కశ్మీర్ ఫైల్స్ నటుడు అనుపమ్ ఖేర్, బాలీవుడ్ సినీ దర్శకుడు మధుర్ భండర్ కర్, నటి కంగనా రనౌత్, వివేక్ ఒబెరాయ్, ప్రముఖ గాయకుడు శంకర్ మహాదేవన్, మాజీ క్రికెటర్ అనిల్ కుంబ్లే రాముడి జన్మస్థలంలో అడుగుపెట్టారు.
