క్వాడ్ దేశాధినేతలు ఈరోజు సమావేశం కానున్నారు. ప్రధాని మోదీ కూడా వర్చువల్ గా ఈ సమావేశంలో పాల్గొంటారని విదేశాంగ మంత్రిత్వ శాఖ వెల్లడించింది. రష్యా- ఉక్రెయిన్ యుద్ధ నేపథ్యంలో ఈ సమావేశం ప్రాధాన్యత సంతరించుకుంది. వర్చువల్ గా సాగే ఈ మీటింగ్ లో అమెరికా అధ్యక్షుడు జో బిడెన్, ఆస్ట్రేలియా ప్రధాని స్కాట్ మారిసన్, జపాన్ ప్రధాని ఫ్యూమియో కిషిడాతో కలిసి ప్రధాని నరేంద్ర మోదీ పాల్గొంటారు. ప్రపంచ రాజకీయాలు, ఉద్రిక్త పరిస్థితుల గురించి క్వాడ్ దేశాధినేతలు చర్చించనున్నారు. 
ఇండో-ఫసిఫిక్ రీజియన్ లో ముఖ్యమైన పరిణామాల గురించి దేశాధినేతలు చర్చించనున్నారు. ఇండో-ఫసిఫిక్ రీజియన్ లో చైనాను అడ్డుకునేందుకు క్వాడ్ ఏర్పడింది. ఇదిలా ఉంటే ప్రస్తుతం రష్యా- ఉక్రెయిన్ మధ్య జరుగుతున్న యుద్ధం గురించి కూడా క్వాడ్ మీటింగ్ లో ప్రస్తావనకు వచ్చే అవకాశం ఉంది. ఇప్పటికే అమెరికా, జపాన్, ఆస్ట్రేలియాలు రష్యాపై ఆంక్షలు విధించాయి. భారత్ మాత్రం తటస్థంగా ఉంటుంది.
