బీజేపీ ప్రభుత్వంపై విపక్షాల ఉప రాష్ట్రపతి అభ్యర్థి మార్గరెట్ అల్వా హాట్ కామెంట్స్ చేశారు. పెద్దన్న రాజకీయ నేతల ఫోన్లు ట్యాపింగ్ చేశారని పరోక్షంగా విమర్శించారు. ఈ తరహా భయం ప్రజాస్వామ్యాన్ని చంపేస్తోందని ఆరోపించారు. ట్విట్టర్ వేదికగా.. ఆమె బీజేపీ ప్రభుత్వంపై తీవ్రస్థాయిలో వ్యాఖ్యలు చేశారు. పెద్దన్న ఎప్పుడూ చూస్తూ.. వింటున్నాడనే భయం ప్రతిపక్ష నేతల్లో ఉందన్నారు. ఆ భయం ప్రజాస్వామ్యాన్ని చంపేస్తోందన్నారు.
బీఎస్ఎన్ఎల్‌ని ట్విట్టర్‌లో ట్యాగ్ చేస్తూ.. ప్రతిపక్ష నేతలు మాట్లాడే మాటలను ట్రాప్ చేస్తున్నారని మార్గరెట్ అల్వా ఆరోపించారు. బీజేపీలో కొంత మంది స్నేహితులతో మాట్లాడిన తర్వాతే తమ కాల్స్ డైవర్ట్ అవుతున్నాయనే విషయం తెలిసిందన్నారు. కాగా, ఈ ట్విట్‌పై బీఎస్ఎన్ఎల్ స్పందించింది. దీనిపై కఠిన చర్యలు తీసుకుంటామన్నారు. అలాగే ఈ విషయంపై కేంద్ర మంత్రి ప్రహ్లద్ జోషి స్పందించారు. ఉపరాష్ట్రపతి ఎన్నికల్లో ఫలితాలపై తమకు నమ్మకం ఉందన్నారు. అల్వా ఫోన్ ట్యాప్ చేయాలని ఎవరికీ ఉందని ప్రశ్నించారు.
