పవర్ స్టార్ పవన్ కల్యాణ్, సాయిధరమ్ తేజ్ కలిసి నటిస్తున్న మల్టీస్టారర్ మూవీ షూటింగ్ ఇవాళ ప్రారంభమైంది. ఈ సినిమా తమిళ మూవీ ‘వినోదయ సీతమ్’ అనే చిత్రానికి రీమేక్గా తెరకెక్కుతోంది. దర్శకుడు, నటుడు సముద్రఖని స్వీయ దర్శకత్వంలో ఈ సినిమాను తమిళంలో నిర్మించారు. ఇప్పుడు తెలుగు రీమేక్ వర్షన్‌కు కూడా ఆయనే దర్శకత్వం వహిస్తున్నారు.
పీపుల్స్‌ మీడియా ఫ్యాక్టరీ, జీస్టూడియోస్‌ సంయుక్తంగా ఈ సినిమాను నిర్మిస్తున్నాయి. ఈ సినిమాకు మాటల మాంత్రికుడు త్రివిక్రమ్‌ శ్రీనివాస్‌ డైలాగులు అందిస్తున్నారు. స్క్రీన్ ప్లే కూడా ఆయనే రాస్తున్నారు. పవన్ కల్యాణ్ ఇమేజ్ దృష్టిలో పెట్టుకుని తెలుగుకు కావాల్సిన మార్పులు, చేర్పులు చేశారట.
ఈ సినిమా షూటింగ్‌ను హైదరాబాద్‌లో ఇవాళ షురూ చేశారు. ఈ కార్యక్రమానికి పవర్ స్టార్ పవన్ కల్యాణ్, సుప్రీం హీరో సాయిధరమ్ తేజ్ వచ్చారు. అందుకు సంబంధించిన చిత్రాలు సోషల్ మీడియాలో వైరల్గా మారాయి. కారు యాక్సిడెంట్‌లో మరణించిన యువకుడికి దేవుడు రెండో అవకాశం ఇవ్వడం అనేది ‘వినోదయ సీతమ్’ సినిమాలో మెయిన్ కాన్సెప్ట్. తెలుగులో భగవంతుడి పాత్రను పవన్ కల్యాణ్ చేస్తున్నారు. రోడ్డు ప్రమాదానికి గురైన యువకుడిగా సాయి ధరమ్ తేజ్ నటించనున్నారు. పవన్కు జోడీగా కేతిక శర్మగా కనపించనున్నారు.
