సాధారణంగా స్కూల్ పిల్లలు వాడే పెన్సిళ్ళన్నీ చక్కతో తయారయ్యేవే. ఏటా మన దేశంలోని సుమారు 20 నుంచి 25 బిలియన్ల పెన్సిళ్లు తయారవుతుంటాయి. కానీ , మన దేశంలో ప్రతి సంవత్సరం సుమారు 60,000 వేల చెట్లు పెన్సిళ్ల తయారీకే వినియోగిస్తున్నారు. అయితే ఈ మధ్యన ప్రజల్లో పర్యావరణ స్పృహ పెరుగుతుండడంతో తయారీ దారులు సైతం వినియోగదారులను ఆకట్టుకునేందుకు సరికొత్తగా రీసైక్లింగ్ పిన్సిల్స్ మార్కెట్ లోకి విడుదల చేస్తున్నారు. ప్రస్తుతం మార్కెట్ లో వీటికి విపరీతమైన గిరాకీ ఉంది.
ఈ పెన్సిళ్లను సాధారణంగా న్యూస్ పేపర్ తో తయారు చేస్తుంటారు. న్యూస్ పేపర్లను గుజ్జుగా మార్చి , వాటి మధ్యలో గ్రాఫైట్ ను ఉంచి , బేక్ చేసి అరబెడతారు. అవి అరిపోయాక ప్యాకింగ్ చేసి మార్కెట్ లోకి విడుదల చేస్తారు. ఇలాంటి ప్రత్యామ్నాయాలు మార్కెట్ లోకి రావడం వల్ల పెన్సిళ్ల తయారీ కోసం కలప చెట్లను కూల్చకుండా ప్రకృతిని రక్షించుకోవచ్చు.
