రేపటి మునావర్ ఫారుఖీ షోను అడ్డుకుంటామని బీజేపీ ఎమ్మెల్యే రాజాసింగ్ హెచ్చరించడంతో… ఆయనను ముందస్తుగా అదుపులోకి తీసుకుని లాలాగూడ పోలీస్ స్టేషన్ కు తరలించారు. మంత్రి కేటీఆర్ ఆహ్వానం మేరకు మునావర్ హైదరాబాద్ కు వస్తున్నారు. రేపు సాయంత్రం 6 గంటలకు హైదరాబాద్ లో ఆయన స్టాండప్ కామెడీ షో జరగనుంది. షోకు సంబంధించిన టికెట్లను బుక్ మై షో సంస్థ అమ్మింది.
ఇప్పటికే టికెట్లు మొత్తం అమ్ముడుపోయాయి. మరోవైపు తన కామెడీ షోలో హిందూ దేవతలను మునావర్ అవమానిస్తున్నారనే ఆరోపణలు ఉన్నాయి. దీంతో ఆయన షోను వ్యతిరేకిస్తోంది బీజేపీ. ఆ షోకు అనుమతి ఇవ్వొద్దని కోరుతూ డీజీపీని బీజేవైఎం నేతలు కూడా కలిశారు. అయినప్పటికీ ఈ షోకు అనుమతులు లభించాయి. మరో విషయం ఏమిటంటే మునావర్ షోపై కర్ణాటక ప్రభుత్వం ఇప్పటికే నిషేధం విధించింది.
