నమ్మించి వంచించిన బిజేపీని ఎలా నమ్మేది?- కళా వెంకట్రావు

• అక్టోబరులో రాజమహేంద్రిలో టిడిపి బీసీ గర్జన

అమరావతి(కాకినాడ): రాష్ట్రాన్ని, తెలుగు ప్రజలను దారుణంగా మోసం చేసిన బిజేపీని ప్రజలు ఎలా నమ్మాలని ఆంధ్రప్రదేశ్ టిడిపి అధ్యక్షుడు, విద్యుత్ శాఖ మంత్రి కళా వెంకట్రావు ప్రశ్నించారు. ఆ పార్టీకి కేంద్రంలో తప్ప రాష్ట్రంలో ఎక్కడా ఉనికి లేదన్నారు. బిజేపీకి ఓట్లేయడం ప్రయాసేనని వ్యాఖ్యానించారు. తూర్పుగోదావరి జిల్లా టిడిపి సమన్వయ కమిటీ సమావేశం శుక్రవారం కాకినాడలో జరిగింది. ఈ సందర్భంగా కళా వెంకట్రావు మాట్లాడుతూ.. అక్టోబరు నెలాఖరున తూర్పుగోదావరి జిల్లా రాజమహేంద్రవరంలో ‘బీసీ గర్జన’ పేరిట భారీ బహిరంగ సభ నిర్వహించనున్నట్లు ఆయన వెల్లడించారు. రాష్ట్రానికి అన్యాయం చేసినందుకే బిజేపీని చంద్రబాబు దూరం పెట్టారని హోంమంత్రి చిన రాజప్ప అన్నారు.