తెలుగు రాజకీయాలలో ముందునుండి వైయస్ కుటుంబానికి వ్యతిరేకంగా రాసే మీడియా వర్గాలలో ABN RK కూడా ఒకరు. దివంగత వైయస్ రాజశేఖర రెడ్డి అధికారంలో ఉన్న సమయంలోనే ABN RK ఆయనకు విరుద్ధంగా తన చానల్లో మరియు పత్రికలో కథనాలు ప్రచురించేవారు. వైయస్సార్ చనిపోవటం తర్వాత జగన్ రాజకీయాల్లో కీలకంగా మారడంతో ఆయన రాతలు మళ్లీ కొడుకు జగన్ పై రాస్తూనే ఉన్నారు. వైసిపి పార్టీ పుట్టిన నాటి నుండి అనేక రకాలుగా పార్టీకి వ్యతిరేకంగా ABN RK తన చానల్ లో మరియు పత్రికలో వార్తలు రాస్తూనే ఉన్నారు. 
అదే సమయంలో తెలుగుదేశం పార్టీని మరియు చంద్రబాబు నాయుడిని ఓ రేంజ్ లో మోస్తూ వార్తలు రాయడం జరిగింది. ప్రతిపక్ష నాయకుడిగా వైఎస్ జగన్ ఉన్న సమయంలో అనేక రీతులుగా ఇబ్బందుల పాలు చేసినా ABN RK తాజాగా జగన్ అధికారంలోకి వచ్చాక కూడా ఎక్కడా తగ్గలేదు. ప్రతీ వారం తన పత్రికలో రాసే కొత్త పలుకు లో జగన్ కి వ్యతిరేకంగా ఏదో ఒక ఆర్టికల్ రాస్తూ వస్తున్నారు. అయితే ఇటీవల జగన్ ప్రకటిస్తున్న సంక్షేమలు మరియు రాష్ట్ర ప్రజల నుండి ప్రభుత్వం పై వస్తున్న ఆదరణ రోజురోజుకి పెరగటంతో కెరీర్ లో మొట్టమొదటిసారి ABN RK వెనక్కి తగ్గినట్లు అర్థం అవుతోంది.
ముఖ్యంగా చాలా దూకుడుగా జగన్ నిర్ణయాలు తీసుకోవడంలో విదిలిస్తున్న నేపథ్యంలో స్థానిక సంస్థల ఎన్నికలకు సంబంధించిన కొత్త పలుకు ఆర్టికల్ లో ABN RK కి జగన్ ప్రభుత్వం పట్ల జ్ఞానోదయం అయినట్లు తెలుస్తోంది. విషయంలోకి వెళితే ఈ వారం కొత్త పలుకులో తెలుగుదేశం పార్టీ స్థానిక సంస్థల ఎన్నికలలో పోటీ చేసి గెలిచే పరిస్థితి లేదని ఎన్నికలకు దూరంగా ఉంటే మంచిదని…ఇండైరెక్టుగా జగన్ ప్రభుత్వం బాగా పనిచేస్తున్నట్లు వార్తలు రాయడం ఎప్పుడు ఏపీ లో సంచలనం అయింది.
