నేడు గోవాలో ప్రధాని నరేంద్ర మోడీ పర్యటన

ఇవాళ ప్రధాని నరేంద్ర మోడీ గోవాకు వెళ్లనున్నారు. గోవాలో జరగనున్న గోవా లిబరేషన్ డే ఉత్సవాలకు ఆయన హాజరు కానున్నారు. గోవా లోని డాక్టర్ శ్యాంప్రసాద్ ముఖర్జీ స్టేడియంలో లిబరేషన్ వేడుకలు అంగరంగ వైభవంగా జరగనున్నాయి. ఈ సందర్భంగా భారత భూభాగ లైన గోవా, డామన్ అండ్ డాయ్యు ప్రాంతాల విముక్తి కోసం పోరాడిన వారిని, 1961 సంవత్సరంలో ఆపరేషన్ విజయ్ లో పాల్గొన్న వారిని ఈ సందర్భంగా ప్రధాని నరేంద్ర మోడీ సత్కరిం చనున్నారు.

భారతదేశానికి 1947 సంవత్సరం లో స్వతంత్రం వచ్చినా…గోవా, డామన్ అండ్ డాయ్యు.. ఈ రెండు ప్రాంతాలు పోర్చుగీస్ ఆధీనం లోనే ఉండేవి. వాళ్ల నుంచి ఆయా ప్రాంతాలను విముక్తి చేయడం కోసం సుదీర్ఘ పోరాటం జరిగింది. చివరికి 1961 సంవత్సరంలో భారత సైన్యం ఆపరేషన్ విజయ్ పేరుతో పోర్చుగీస్ నుంచి విముక్తి చేశారు. ఈ నేపథ్యంలోనే ప్రతి ఏటా గోవా లిబరేషన్ ను ఆ రాష్ట్ర ప్రజలు జరుపుకుంటారు.