IPL 2023 వచ్చేసింది. క్రికెట్ అభిమానులంతా ఈ సీజన్ మ్యాచ్లు చూడటంలో ఫుల్ బిజీ అయ్యారు. జట్లు కూడా హోరాహోరీగా పోరాడుతున్నాయి. గతంలోని చేదు అనుభవాలు గుర్తుపెట్టుకుని మరింత మెరుగైన ప్రదర్శన ఇస్తున్నాయి. ఈ సీజన్లో పంజాబ్ కింగ్స్ వరుస విజయాలను అందుకుంటోంది. దీంతో ప్రస్తుతం ఫుల్ జోష్లో ఉన్న ఆ జట్టు.. తన తదుపరి మ్యాచ్ను ఏప్రిల్‌ 9న హైదరాబాద్‌ వేదికగా సన్‌రైజర్స్‌ హైదరాబాద్‌తో పోటీ పడనుంది.
ఇప్పటికే హైదరాబాద్‌లో అడుగుపెట్టిన ఈ జట్టు.. ఇవాళ తమ ప్రాక్టీస్‌ సెషన్స్‌లో పాల్గొనుంది. ఈ క్రమంలోనే పంజాబ్ ప్లేయర్స్.. రాహుల్ చాహర్, హర్‌ప్రీత్ బ్రార్.. టాలీవుడ్‌ ఐకాన్ స్టార్ అల్లు అర్జున్‌ను కలిశారు. కాసేపు సరదాగా ముచ్చటించారు. ఈ సందర్భంగా అల్లు అర్జున్తో కలిసి ఈ ఇద్దరు క్రికెటర్లు ఫోటోలకు పోజులిచ్చారు. దీనికి సంబంధించిన ఫోటోను రాహుల్ చాహర్ సోషల్‌ మీడియాలో షేర్ చేశాడు. దీన్ని చూసిన నెటిజన్లు తెగ షేర్ చేస్తున్నారు.
