ఐకాన్‌ స్టార్‌ అల్లు అర్జున్‌, సెన్సెషనల్‌ డైరెక్టర్‌ సుకుమార్‌ దర్శకత్వంలో తెరకెక్కుతున్న సినిమా పుష్ప. ఎర్ర చందనం స్మగ్లింగ్‌ నేపథ్యంలో తెరకెక్కుతున్న ఈ సినిమా రెండు పార్ట్స్‌ గా రిలీజ్ కాబోతోంది. ఇక ఈ పాన్‌ ఇండియా మూవీ లో ఐకాన్‌ స్టార్‌ హీరో బన్నీకి జోడీగా శ్రీ వల్లి పాత్ర లో రష్మిక మందనా నటిస్తోంది. చిత్రంలో ఫహద్ ఫాసిల్, సునీల్ ప్రధాన పాత్రల్లో నటిస్తున్నారు.
మ‌రోవైపు యాంకర్ అన‌సూయ కూడా మాస్ క్యారెక్టర్లో దర్శనం ఇవ్వనున్నది. ఇప్పటికే ఎన్నో రికార్డుల‌ను తిరగ‌రాసింది ఈ మూవీ. ఈ సినిమా మీద మరింత హైప్స్ క్రియేట్ అయ్యేలా ఐటెం సాంగ్లో సమంత నటించనుండటం విశేషం. ఇది ఇలా ఉండగా.. ఈ సినిమా నుంచి ఓ అదిరిపోయే అప్ డేట్‌ వచ్చింది. ఈ సినిమా ప్రీ రిలీజ్ తేదీని ఖరారు చేసిందట చిత్ర బృందం. డిసెంబర్‌ 12 వ తేదీన ఈ సినిమా ప్రీ రిలీజ్ ఈవెంట్ ను హైదరాబాద్‌ లో నిర్వహించేందుకు ప్లాన్‌ చేస్తోందట పుష్ప టీం. కాగా.. ఈ సినిమా డిసెంబర్‌ 19 వ తేదీన విడుదల కానున్న సంగతి తెలిసిందే.
