ఇటీవల దానా తుఫాన్ ఏపీతో పాటు ఒడిశా, బెంగాల్ రాష్ట్రాలను అతలాకుతలం చేసిన విషయం తెలిసిందే. ఏపీకి పెద్దగా నష్టం వాటిల్లకపోయినా పలు జిల్లాల్లో భారీ వర్షాలు కురిశాయి. ఇప్పటికీ ఉపరితల ఆవర్తనం కారణంగా రెండు తెలుగు రాష్ట్రాల్లోని పలు జిల్లాల్లో శుక్రవారం వర్షాలు కురిసే అవకాశం ఉందని వాతావరణ శాఖ పేర్కొంది. ఆంధ్రప్రదేశ్‌లోని మన్యం, కృష్ణా, పల్నాడు, ప్రకాశం, నెల్లూరు, చిత్తూరు, తిరుపతి జిల్లాల్లో తేలికపాటి వర్షాలు కురిసే అవకాశం ఉందని ఏపీ విపత్తుల శాఖ తెలిపింది.
ఇక తెలంగాణ విషయానికొస్తే ఆదిలాబాద్, మంచిర్యాల, నిర్మల్, నిజామాబాద్, జగిత్యాల, కరీంనగర్, భూపాలపల్లి, హైదరాబాద్, వికారాబాద్, సంగారెడ్డి, కామారెడ్డి జిల్లాల్లో సాధారణం వర్షపాతం నమోదయ్యే అవకాశం ఉందని హైదరాబాద్ వాతావరణ కేంద్రం తెలిపింది.ఈ మేరకు ఎల్లో అలర్ట్ జారీ చేసింది.ఈ క్రమంలో రైతులు అప్రమత్తంగా ఉండాలని వాతావరణ అధికారులు వెల్లడించారు.
