ఒక్కో ఊరికి ఒక్కో ప్రత్యేకత ఉంటుంది.. కొన్ని ప్రాంతాలకు అంతు చిక్కని మిస్టరీలు కూడా ఉంటాయి.. ప్రశాంతంగా ఉండే ఒక ఊరిలో అస్సలు మనుషులు ఉండరు.. అసలు కారణం ఏంటి..ఎందుకు ఆ ప్రాంతం నిర్మానుష్యమైందో ఇప్పుడు వివరంగా తెలుసుకుందాం..
మిస్టరీగా మిగిలిపోయిన ఆ ఊరు మన దేశంలోనే ఉంది..ఆ ఊరి పేరే కుల్‌ధారా. రాజస్థాన్‌లోని జైసల్మేర్‌ జిల్లాలో ఉన్న ఈ ఊరిలో మనుషులు లేకపోగా.. ప్రేతాత్మలు ఉన్నాయనే వదంతులు ఉన్నాయి. 13వ శతాబ్దం నాటికి ఈ ఊరిలో పాలీవాల్‌ బ్రహ్మణులు ఉండేవారు. 19వ శతాబ్దం ప్రారంభంలో ఆ ఊరిలోని మనుషులంతా.. వేర్వేరు చోట్లకు వెళ్లిపోయారు. అలా చూస్తూ చూస్తూ ఉండగానే.. కొన్ని రోజులకే మొత్తం ఊరు ఖాళీ అయ్యింది. అయితే ఊరి జనాలు ఖాళీ చేసి వెళ్లిపోవడానికి దారితీసిన పరిస్థితులపై స్పష్టమైన సమాచారం ఇప్పటి వరకు లేదు. ఆ ఊరిని మనుషులు విడిచి పెట్టడానికి గల కారణంపై రకరకాల కథలు ప్రచారంలో ఉన్నాయి.
విషయానికొస్తే.. అప్పటి జైసల్మేర్‌ మంత్రి సలీం సింగ్‌.. కుల్‌ధారాలో అరాచాకాలకు పాల్పడేవాడని, అతడి ఆకృత్యాలను భరించలేకనే జనాలు ఆ ఊరు ఖాళీచేసి వెళ్లిపోయారని చుట్టు పక్కల గ్రామాల వారు చెబుతుంటారు. ఊరు నిర్మానుష్యంగా మారిన తర్వాత, ఆ ఊరిలో ప్రేతాత్మలు సంచరిస్తున్నాయనే వదంతులు వ్యాప్తిలోకి వచ్చాయి. స్వాతంత్ర్యం వచ్చిన తర్వాత కూడా చాలా కాలం ఏ ప్రభుత్వం కూడా ఆ ఊరిని పట్టించుకోలేదు. చివరకు 2010లో రాజస్థాన్‌ ప్రభుత్వం కుల్‌ధారా గ్రామాన్ని టూరిస్ట్‌ ప్లేస్‌గా మార్చాలని నిర్ణయం తీసుకుంది.. కానీ అన్నీరకాల సదుపాయాలు లేకపోవడంతో అక్కడికి పెద్దగా పర్యాటకులు రాలేదని తెలుస్తుంది.. కానీ జనాలు ఇప్పటికి అక్కడకు రాకపోవడం విశేషం..
