గోపి చంద్ మలినేని దర్శకత్వంలో మాస్ మహారాజ రవితేజా హీరోగా నటిస్తున్న చిత్రం క్రాక్. డిస్కో రాజా తో ఫ్లాప్ ఎదుర్కొన్న రవితేజా ఈ సినిమా పై భారీ అంచనాలే పెట్టుకున్నాడు. శ్రుతీ హాసన్ హీరోయిన్ గా నటిస్తున్న ఈ సినిమా టీజర్ ని మహా శివరాత్రి సందర్భంగా విడుదల చేసారు. ఈ సినిమా లో రవితేజా పోలీస్ అధికారిగా నటిస్తున్న సంగతి తెలిసిందే. ఈ క్రాక్ టీజర్ ఇప్పుడు ఆకట్టుకుంది.
రవితేజా లుక్ ఆయన అభిమానులను ఆకట్టుకుంది. ప్రస్తుతం ఈ సినిమా షూటింగ్ శరవేగంగా జరుపుకుంటుండగా వచ్చే వేసవిలో సినిమా ప్రేక్షకుల ముందుకి రానుంది. మే 8 న సినిమాను విడుదల చేస్తున్నారు. ఈ టీజర్ కి విడుదల చేసిన కాసేపటికే మంచి స్పందన వచ్చింది. రవితేజ-గోపీచంద్‌ మలినేని కాంబినేషన్‌లో వచ్చిన ‘డాన్‌శీను’, ‘బలుపు’ చిత్రాలు మంచి విజయాన్ని సాధించాయి.
దీనితో ఈ సినిమా కూడా మంచి విజయం సాధిస్తుంది అంటున్నారు ఆయన అభిమానులు. ఈ సినిమాపై రవితేజా కూడా భారీ ఆశలే పెట్టుకున్నాడు. అసలు సరైన హిట్ లేక ఇబ్బంది పడుతున్న రవితేజా ఈ సినిమాతో ఎలా అయినా హిట్ కొట్టాలని చూస్తున్నాడు. ఇటీవల జనవరి 26 సందర్భంగా విడుదలైన డిస్కో రాజా సినిమా రవితేజా కి మంచి హిట్ ఇవ్వలేదు. దీనితో సినిమాపై భారీ ఆశలు పెట్టుకున్నాడు.
