బీఆర్ఎస్ బహిష్కృత నేత, మాజీ ఎంపీ పొంగులేటి శ్రీనివాస్ రెడ్డి కాంగ్రెస్ పార్టీలో చేరుతున్నారనే ప్రచారం నేపథ్యంలో ఆ పార్టీ సీనియర్ నేత, మాజీ ఎంపీ రేణుకా చౌదరి సంచలన వ్యాఖ్యలు చేశారు. పొంగులేటి చేరిక నేపథ్యంలో ఢిల్లీ వెళ్లిన ఆమె తనకు ఖమ్మం జిల్లాలో మూడు సీట్లు ఇవ్వాలని కాంగ్రెస్ అధిష్టానాన్ని కోరినట్లు వార్తలు వచ్చాయి. ఈ సందర్భంగా పొంగులేటి శ్రీనివాస్ రెడ్డి చేరికను స్వాగతించిన ఆమె.. 24 గంటల గడవక ముందే స్వరం మార్చారు. కాంగ్రెస్ పార్టీలో గాడిదను నిలబెట్టినా గెలుస్తుందన్న రేణుకా చౌదరి.. పొంగులేటికి అంత సత్తా, ఫాలోయింగ్ ఉంటే టీఆర్ఎస్ పార్టీలో ఉన్నప్పుడే 10కి 10 సీట్లు ఎందుకు గెలవలేకపోయాడని ప్రశ్నించారు.
కేంద్ర మాజీ మంత్రి అయిన రేణుకా చౌదరి ఐఏఎన్ఎస్ తో మాట్లాడుతూ.. “ఇవన్నీ రాజకీయ అవకాశాలు.. అవకాశవాదం, వారు తమ స్వంత విశ్వసనీయతను స్థాపించడానికి తీసుకుంటారు” అని అన్నారు. “మీరు దౌత్యపరమైన విషయాలకు వెళ్లినప్పుడు, మీరు మీ దౌత్య ఆధారాలను ఆమోదించడానికి సమర్పించినట్లుగా ఉంటుంది” అని ఆమె అన్నారు. కాబట్టి కాంగ్రెస్ అంటే గంగానది మాత అనీ, అక్కడ అందరూ స్నానాలు చేసేందుకు వస్తారంటూ ష‌ర్మిల పార్టీ విలీనం గురించి ప్ర‌స్తావించారు. ‘మా అధ్యక్షుడి గురించి, నాయకుల గురించి నెగెటివ్ గా మాట్లాడిన తర్వాత అకస్మాత్తుగా వారు రావాలనుకునే వివేకం వస్తుంది. వారు ఇలాంటి కథనాలను వ్యాప్తి చేశారు తప్ప మరేమీ కాదు’ అని చౌదరి అన్నారు.
