ప్రకాశం జిల్లాలో విషాదం చోటు చేసుకుంది. రోడ్డు ప్రమాదం తీవ్ర వేదనను మిగిల్చింది. కొత్త ఆశాలతో కొత్త జీవితం ప్రారంభించాలని అనుకున్నవారికి నిరాశను చూపించింది. పెళ్ళి సంబంధం మాట్లాడుకుని ఇంటికి తిరిగి వెళ్తుండగా ప్రమాదం జరిగింది. ఈ ప్రమాదంలో ఇప్పటి వరకు ఐదుగురు మరణించారు. ప్రకాశం జిల్లాలోని దర్శి ప్రాంతానికి చెందిన ఓ కుటుంబం, పెళ్ళి సంబంధం కుదుర్చుకుని ఇంటికి తిరిగి వెళ్తున్నారు. దారిలో గేదె అడ్డం రావడంతో దాన్ని తప్పించబోయిన డ్రైవర్, టిప్పర్ లారీని ఢీకొన్నాడు. తర్లపాడు మండలం రోలుగుంపాడు సమీపంలో ఈ ప్రమాదం చోటు చేసుకుంది.
ఈ ప్రమాదంలో దాదాపు అందరికీ గాయాలయ్యాయి. ప్రమాదం జరిగిన వెంటనే ఆస్పత్రికి తీసుకెళ్ళారు. ఇందులో ఇప్పటి వరకు ఐదుగురు మంది చనిపోయారు. మరో ముగ్గురి పరిస్థితి విషమంగా ఉంది. దాంతో ఒంగోలులోని రిమ్స్ ఆస్పత్రికి తరలించారు. ప్రస్తుతం వైద్య చికిత్స జరుగుతుంది.
