ప్రపంచంతో పోటీ పడేలా తెలంగాణను తయారు చేస్తున్నామని సీఎం రేవంత్ రెడ్డి. ప్రపంచ తెలుగు సమాఖ్య మహాసభలకు ఆయన ముఖ్యఅతిథిగా హాజరయ్యారు. ఈ సందర్భంగా మాట్లాడుతూ రెండు రాష్ట్రాలు ఒకరికొకరూ కాదు పోటీ పడేది.. రెండు రాష్ట్రాలు కలిసి ప్రపంచంతో పోటీ పడాలని తెలిపారు. కోవిడ్ సమయంలో తెలుగు వారి సత్తా ప్రపంచానికి తెలిసిందని వివరించారు. నేడు జాతీయ రాజకీయాల్లో తెలుగు వారి పాత్ర చాలా కీలకం అన్నారు. తెలుగు సినీ పరిశ్రమ అంతర్జాతీయ స్థాయికి ఎదిగిందని తెలిపారు.
ఓఆర్ఆర్ స్ఫూర్తితో రీజనల్ రింగ్ రోడ్డు నిర్మిస్తున్నట్టు తెలిపారు. సమస్యలుంటే తెలుగు రాష్ట్రాలు కూర్చొని మాట్లాడుకుందాం. రెండు దేశాల మధ్య కూడా చర్చలు జరిపి సమస్యలు పరిష్కరించుకుంటాం. రెండు రాష్ట్రాల మధ్య సమస్యలను పరిష్కరించుకోలేమా..? అన్నారు. రాజీవ్ గాంధీ ప్రధానిగా ఉన్న సమయంలో భారతదేశానికి కంప్యూటర్ ని పరిచయం చేశాడు. చంద్రబాబు మన తెలుగు వారికి ఐటీ తీసుకొచ్చి అభివృద్ధికి సహకరించారు. 18కోట్ల మంది తెలుగు ప్రజలు వివిధ రాష్ట్రాలు, దేశాల్లో ఉన్నారని తెలిపారు.
