నేడు ఢిల్లీకి తెలంగాణ సిఎం కెసిఆర్.. షెడ్యూల్ ఇదే !

తెలంగాణ ముఖ్యమంత్రి కల్వకుంట్ల చంద్రశేఖర్ రావు దేశ రాజధాని ఢిల్లీ కి వెళ్లనున్నారు. మూడు రోజుల పాటు ముఖ్యమంత్రి కల్వకుంట్ల చంద్రశేఖర్ రావు ఢిల్లీ పర్యటన ఉండనుంది. ఈ ఢిల్లీ పర్యటనకు అన్నీ ఏర్పాట్లు చేశారు.  ఇందు లో భాగంగానే ఇవాళ మధ్యాహ్నం హైదరాబాద్ బేగంపేట విమానాశ్రయం నుంచి ప్రత్యేక విమానంలో ఢిల్లీకి వెళ్లనున్నారు సీఎం కేసీఆర్.

రేపు మధ్యాహ్నం 12:30 గం. ల నుంచి ఢిల్లీలో టీఆర్ఎస్ పార్టీ కార్యాలయం భూమి పూజ చేయనున్నారు ముఖ్యమంత్రి. ఇక సీఎం కేసీఆర్ తో పాటు భూమి పూజ కార్యక్రమంలో మంత్రులు, ఎమ్మెల్యేలు, ఎమ్మెల్సీలు, ఎంపీలు , పార్టీ నాయకులు పాల్గొననున్నారు. ఢిల్లీ లోని వసంత్ విహార్ మెట్రో స్టేషన్ పక్కన పార్టీ కార్యాలయ నిర్మాణం కోసం 1300 ల గజాల స్థలాన్ని కేటాయించింది కేంద్ర ప్రభుత్వం. ఇక భూమి పూజ కార్యక్రమం అనంతరం  సెప్టెంబర్ 3, 2021 మధ్యాహ్నం హైదరాబాద్ కు తిరిగి రానున్నారు తెలంగాణ రాష్ట్ర సీఎం కేసీఆర్.