తెలంగాణ ప్రజలకు గుడ్ న్యూస్. లే అవుట్ల క్రమబద్ధీకరణ పథకం (ఎల్‌ఆర్‌ఎస్‌) రాయితీ గడువును తాజాగా సర్కార్ పొడిగిస్తూ నిర్ణయం తీసుకుంది. ఏప్రిల్ నెలాఖరు వరకు పొడిగిస్తున్నట్లు తాజాగా ఉత్తర్వులు జారీ చేసింది. ఏప్రిల్ 30వ తేదీ వరకు ఈ గడువు పొడిగిస్తున్నట్లు ఉత్తర్వుల్లో పేర్కొంది. దీన్ని సద్వినియోగం చేసుకోవాలని ప్రజలకు సూచించింది.
గత నాలుగేళ్లుగా పెండింగులో ఉన్న ప్లాట్లకు రిజిస్ట్రేషన్‌ చేసుకునే వీలును ప్రభుత్వం కల్పించింది. ఈ నేపథ్యంలోనే ఎల్‌ఆర్‌ఎస్‌ ఫీజును 25% రాయితీతో చెల్లించేందుకు అవకాశం కల్పించింది. ఇందు కోసం మార్చి 31వ తేదీ వరకు గడువు విధించింది. అయితే రాయితీపై ఎల్‌ఆర్‌ఎస్‌ ఫీజు చెల్లించేందుకు రాష్ట్ర ప్రభుత్వం అవకాశం కల్పించినా ఆశించిన మేర రిజిస్ట్రేషన్లు జరగలేదు. ప్రజల నుంచి ప్రభుత్వం అనుకున్నంతమేర స్పందన రాకపోవడంతో తాజాగా ప్రభుత్వం పొడిగిస్తూ నిర్ణయం తీసుకుంది. తాజాగా ఆ గడువును ఏప్రిల్ 30వ తేదీ వరకు పొడిగిస్తూ నిర్ణయం తీసుకుంది.
