హుజురాబాద్ నియోజకవర్గ ఉప ఎన్నిక ఎఫెక్ట్ తెలంగాణ రాష్ట్ర ఇంటర్ బోర్డు పరీక్షలపై పడింది. హుజురాబాద్ నియోజకవర్గ ఉప ఎన్నిక ఈనెల 30వ తేదీన ఉన్న నేపథ్యంలో… ఇంటర్ పరీక్షల తేదీలను మార్చేసింది ఇంటర్ బోర్డ్. హుజూరాబాద్ ఉప ఎన్నిక నేపథ్యంలో ఈ నెల 29, 30 తేదీల్లో జరగాల్సిన ఇంటర్ పరీక్షలు రి షెడ్యూల్ చేసింది.
ఈ లెక్కన 29 న జరగాల్సిన పరీక్ష 31 వ తేదీకి.. 30 న జరగాల్సిన పరీక్ష నవంబర్ 1 వ తేదీ కి వాయిదా పడ్డాయి. ఈ మేరకు ఇంటర్ బోర్డు కీలక ప్రకటన విడుదల చేసింది. ఈ విషయాన్ని తెలుసుకొని తెలంగాణ ఇంటర్ విద్యార్థులు అలర్ట్ కావాలని పేర్కొంది ఇంటర్ బోర్డు. కాగా హుజురాబాద్ నియోజకవర్గ ఉప ఎన్నిక ఈనెల 30వ తేదీన జరుగనుండగా.. నవంబర్ 3 వ తేదీన ఉప ఎన్నిక ఫలితాలు విడుదల కానున్నాయి. ఇక నేటితో హుజురాబాద్ నియోజకవర్గ ఉప ఎన్నిక నామినేషన్ల ప్రక్రియ ముగుసిన సంగతి తెలిసిందే.
