జగిత్యాల జిల్లాలో ఘోర అగ్ని ప్రమాదం జరిగింది. జగిత్యాల జిల్లా అమ్మాజీ డ్రెసెస్ లో అర్ధరాత్రి అగ్నిప్రమాదం చోటు చేసుకుంది. జగిత్యాల టవర్ సర్కిల్ లోని సార్గమ్మ వీధిలో అమ్మాజీ డ్రెస్సెస్ దుకాణంలో అగ్ని ప్రమాదం నెలకొంది. దుకాణం బందు చేసి ఇంటికి వెళ్లిన కొద్దిసేపటికే దుకాణం నుండి మంటలు ఎగిసిపడటం చూసిన స్థానికులు అగ్నిమాపక సిబ్బందికి సమాచారం అందించారు.
దీంతో దుకాణం వద్దకు చేరుకున్న అగ్నిమాపక సిబ్బంది మంటలను ఆర్పి వేశారు. పక్క దుకాణాలకు వ్యాపించకుండా స్థానికులు, అగ్నిమాపక సిబ్బంది మంటలను అదుపులోకి తెచ్చారు అధికారులు. ఇక ఈ అగ్ని ప్రమాదానికి కారణం తెలియ రాలేదని చెబుతున్నారు. సుమారు 40 లక్షలకు పైగా నష్టం వాటిలినట్లు దుకాణదారు తెలిపారు అధికారులు. పక్క దుకాణదారులు బాణాసంచ కాల్చడంతో షట్టర్ కింది నుంచి అగ్గి రవ్వలు పడి ప్రమాదం జరిగిందని దుకాణదారు ఆరోపణలు వస్తున్నాయి. ఈ ప్రమాదంపై పోలీసులు దర్యాప్తు చేస్తున్నారు.
